2017 jyly Qazaqstanda JІÓ ósimi 4 paıyzdy qurady
«2017 jyldyń basty qorytyndysy el ekonomıkasynyń ósimi qalypqa kelýi boldy. 2017 jyldyń aldyn ala qorytyndylary boıynsha JІÓ ósýi 4 paıyzdy qurady. Ekonomıkalyq ósý ekonomıkalyq qyzmettiń barlyq segmentterinde sınhrondyq jaqsarýmen teńdestirilgen boldy», dep atap ótti Tımýr Súleımenov.
Onyń sózine qaraǵanda, ósýdiń negizgi qozǵaýshylary saýda sektorlaryndaǵy óndiristiń keńeıýi, ınvestıtsııalyq belsendiliktiń artýy jáne ishki suranystyń birtindep qalpyna kelýi boldy. Syrtqy orta ishki ekonomıkalyq belsendilikke de jaǵymdy áser etti. Syrtqy jaǵdaıdyń pozıtıvti faktorlaryna munaı men metaldarǵa joǵary baǵa konıýktýrasyn, sondaı-aq negizgi saýda seriktesterimiz - EO, Reseı jáne Qytaıdaǵy ekonomıkalyq jaǵdaıdyń jaqsarýyn atap ótken jón.
«Osynyń arqasynda syrtqy saýda boıynsha oń qozǵalystar bekitildi. 11 aıdyń qorytyndylary boıynsha eksport Reseıge 33,0 paıyzǵa, EO-ǵa - 31,0 paıyzǵa jáne Qytaıǵa - 34,9 paıyzǵa ósti», - dep naqtylady mınıstr.
Sonymen qatar T. Súleımenov qalypqa kelý protsesteriniń jandanýynda basty róldi baǵalyq faktor alǵanyn jetkizdi. Inflıatsııalyq kórinis 2016 jylmen salystyrǵanda 1,4 paıyzdyq tarmaqqa tómendedi jáne 7,1 paıyzdy qurady.
«Osymen birge, 2017 jyl ishinde eńbek naryǵy kórsetkishteri turaqtylyǵyn saqtady, jumyssyzdyq deńgeıi 5 paıyzdy qurady», - dedi vedomstvo basshysy.
Belgili bolǵandaı, eldiń qarjy salasyn qoldaýǵa edáýir qarajat tartylsa da, 2017 jylǵy 1 jeltoqsandaǵy jaǵdaı boıynsha Ulttyq qor aktıvteri 57,6 mlrd AQSh dollaryn qurady.
Munymen qosa, bank sektoryn saýyqtyrý jáne jalpy ekonomıkalyq jaǵdaıdy jaqsartý boıynsha sharalardy iske asyrý nesıelik tsıkldyń qalpyna kelý fazasynyń bastalýy úshin alǵysharttar qalyptastyrdy. Bankterdiń nesıelik portfeli birtindep ósý nyshandaryn kórsete bastady.
