2017 jyly Qazaqstanda Shınkıokýshınkaı karateden álem chempıonaty ótedi

Bul týraly búgin QazAqparat tilshisine Respýblıkalyq shınkıokýshınkaı karate federatsııasynyń vıtse-prezıdenti, QR eńbek sińirgen jattyqtyrýshysy Qaıyrtaı Sarmanov málim etti.

«Biz kezekke 2005 jyly turǵan edik jáne Dúnıejúzilik shınkıokýshınkaı karate federatsııasy Qazaqstanǵa álem chempıonatyn ótkizýge ruqsat berdi. Bul bedeldi álem chempıonaty 4 jylda bir ret ótedi. Ony shyn máninde karateden Olımpıada oıyndary dep ataıdy», - deıdi Q.Sarmanov.

Esterińizge sala keteıik, taıaýda Qazaqstan qurama komandasy Lıtvada ótken Álem kýbogynda tamasha óner kórsetken bolatyn. Bul aıtýly dodaǵa álemniń 85 eliniń myqty komandalary qatysqan edi. Osy baıraqty básekede elimizdiń namysyn qorǵaǵan sportshylar 1 altyn, 1 kúmis enshilegen. Al jalpy komandalyq esepte Japonııa men Lıtvany alǵa jibergen Qazaqstan quramasy úshinshi orynǵa turaqtaǵan-dy.