2017 jyly Qazaqstan astyq eksportyn 9,1 mln tonnaǵa jetkizbek
ASTANA. QazAqparat - 2017 jyly Qazaqstan astyq eksportyn 9,1 mln tonnaǵa jetkizbek, dep habarlaıdy QazAqparat.
«Jyldyń qorytyndysy boıynsha astyq ekvıvalentinde 9,1 mln tonnaǵa jýyq astyq pen undy eksporttaý josparlanyp otyr. Bul kórsetkish ótken jylǵa qaraǵanda 400 myń tonnaǵa artyq», - dep naqtylady Aýyl sharaýashylyǵy vıtse-mınıstri Nurjan Áltaev Parlament Májilisi Agrarlyq máseleler komıtetiniń otyrysynda.
Osy oraıda jeltoqsan aıynda júk jóneltýshiler 1,3 mln tonna astyq pen undy eksporttaýdy qarastyryp otyr. Bul maqsatta 16,5 myń vagon qajet bolmaq, ıaǵnı 11 940 astyq tasymaldaıtyn vagon men 4 776 jabyq vagon qamtamasyz etilýi tıis.
«Qazaqstan temir toly» tarıfi táýligine bir vagonǵa 9 000 myń teńge deńgeıinde belgilendi. Qazaqstandyq astyqtyń básekege qabilettigin arttyrý úshin 1 qańtardan bastap Qazaqstan ishinde astyqty tasymaldaý sýbsıdııalanady. Osy sharalarǵa 9,7 mlrd teńgege tarta qarjy bólinedi», - dep túıindedi N. Áltaev.
