2017 jyly «Qaırat» qazaqstandyq fýtboldyń negizgi úsh lıgasynda óner kórsetedi
ASTANA. QazAqparat - Kelesi jyly «Qaırat» komandasy qazaqstandyq fýtboldyń negizgi úsh lıgasyna qatysady, dep habarlandy FK resmı saıtynan.
«Kaırat U-21» ekinshi lıganyń birinshiliginde jeńiske jetip, alǵashqy lıgaǵa joldama aldy. Sondaı-aq, «Qaırat» ekinshi lıgada komanda engizý múmkindigine ıe boldy. Osylaısha, almatylyq klýbtyń komandasy 2017 jyly Premer-lıgaǵa, birinshi lıgaǵa jáne ekinshi lıgaǵa qatysatyn bolady.
Klýb basshylyǵynyń sheshimimen komandanyń bas jattyqtyrýshysy bolyp alǵashqy lıgaǵa qatysqan Konstantın Gorovenko taǵaıyndaldy.
Sońǵy eki maýsymda bul maman negizgi komandanyń jattyqtyrýshylar shtabynda boldy. Jastar komandasyndaǵy jattyqtyrýshynyń kómekshisi retinde Aleksandr Shatskıh jumys jasaıdy. Konstantın Gorovenkonyń negizgi komandanyń jattyqtyrýshylar shtabyndaǵy ornyna buryn «Kaırat U-19»-ǵa jetekshilik etken Sergeı Labodovskıı keledi. Ekinshi lıgaǵa qatysatyn ujymda Maksım Shevchenko aǵa jattyqtyrýshy bolyp qala bermek.
