2017 jyly qansha adam júrgizýshi kýáliginen aıyryldy
ASTANA. QazAqparat - 2017 jyly vıdeotirkeý kómegimen 1 mıllıonnan astam jol qozǵalysy erejesiniń buzylý faktisi anyqtaldy. Bul týraly búgin QR Parlamenti Senatynyń depýtattarymen jol qozǵalysy qaýipsizdigi máseleleri boıynsha kezdesken QR Іshki ister vıtse-mınıstri Erlan Turǵymbaev aıtty, dep habarlaıdy QazAqparat.
«Jyl saıyn jol qozǵalysy erejesin buzǵany úshin 3 mıllıonnan astam júrgizýshi ákimshilik jaýapkershilikke tartylady. Tek 2017 jyly ǵana polıtsııa qyzmetkerleri shamamen 2,5 mln zańbuzýshylyqtyń jolyn kesip, 31 myń mas júrgizýshini ustady, 154 myń jaıaý júrginshige aıyp salyndy. Sottar 42 myń júrgizýshini kólik basqarý quqynan aıyrdy, 3,5 myńnan astam quqyq buzýshy ákimshilik tutqynǵa alyndy. Vıdeotirkeýdiń avtomatty júıesiniń kómegimen jol qozǵalysy erejesiniń mıllıonnan astam ret buzylǵandyǵy anyqtaldy», - dedi ol.
Vıtse-mınıstrdiń dereginshe, sońǵy onjyldyqta elimizdiń kólik parki 43 paıyzǵa artyp, búginde 4,3 mln avtomobılge jetken. Degenmen, sońǵy 4 jylda jol-kólik apattary men qaza tapqandardyń sany aıtarlyqtaı tómendep otyr.
«Qabyldanǵan sharalardyń arqasynda jol-kólik oqıǵalary 5 paıyzǵa, qaza tapqandardyń sany 113 paıyzǵa jáne jaralanǵandar sany 5 paıyzǵa azaıdy», - dedi E.Turǵymbaev.
