2017 jyly Eýroodaqta roýmıngige tólem alynyp tastalady
BRıÝSSELЬ. QazAqparat - 2017 jyldyń ortasyna qaraı bekitilgen jańa erejelerge sáıkes Eýropalyq odaq ishinde roýmıngige tólem alynyp tastalady. Bul týraly EO Keńesiniń beısenbi kúni taratylǵan kommıýnıkesinde aıtylǵan.
«2015 jylǵy 1 qazanda EO Keńesi 2017 jyldyń ortasyna qaraı Eýroodaqta roýmıngi úshin tólemdi alyp tastaý jónindegi jańa erejelerdi resmı bekitti», - delingen habarlamada.
Qaýly birinshi oqylymda Eýroodaq elderiniń saýda, ekonomıka jáne ınnovatsııalar máselelerine basshylyq etetin mınıstrleriniń Brıýsseldegi kezdesýinde qabyldandy.
«Eýroparlament qazan aıynyń aıaǵynda plenarlyq otyrysynda qujat mátinin maquldaıtyny kútiledi», - dep atap kórsetilgen málimdemede.
Reglament Eýroodaqtyń resmı jýrnalynda jarııalanǵan soń úsh kúnnen keıin kúshine enedi. EO Keńesiniń baspasóz qyzmeti bul aǵymdaǵy jylǵy qarashada bolady dep paıymdaıdy.
Sonymen birge, zańda alǵash ret paıdalanýshylardyń ınternetke kedergisiz jáne teń jaǵdaıda qol jetkizilýine kepildik beretin jalpyeýropalyq erejeler jazylatyn bolady.
