2017 jyly elordalyq kolledjderde 6 jańa mamandyq ashylady
ASTANA. QazAqparat - Ónerkásip, baılanys jáne kommýnıkatsııalar, servıs jáne qyzmet kórsetý, medıtsına jáne bilim salalarynda kadrlardyń jetispeýshiligine baılanysty kelesi jyldan bastap kolledjderde alty jańa mamandyq ashylady («Avtomobıl kólikterine tehnıkalyq qyzmet kórsetý, jóndeý jáne paıdalaný» mamandyǵy boıynsha mehatronık», «Kópirler jáne kólik tonnelderi», «Elektr stantsııalarynyń jáne jelilerdiń qural-jabdyqtary», «Ónerkásiptegi elektr-mehanıkalyq qural-jabdyqtar», «Medıtsınalyq tehnıkany montajdaý, tehnıkalyq qyzmet kórsetý jáne jóndeý», «Kitaphana isi»).
Astana qalasy Bilim basqarmasynyń habarlaýynsha, osynyń aldyndaǵy jylmen salystyrǵanda suranysqa ıe tehnıkalyq mamandyqtarǵa memlekettik bilim granty 10 paıyzǵa artty. Ústimizdegi jyly jergilikti bıýdjetten qarjylandyrylatyn 4025 oryn bólindi. Salystyrý úshin: 2015 jyly memlekettik tapsyrys boıynsha 3636 stýdent bilim alǵan.
Sondaı-aq, elordada qazir jumys istep turǵan tórt resýrstyq ortalyqqa taǵy jańa úsh resýrstyq ortalyq qosylady: 1) «Ingrı Qazaqstan» JShS-imen birlesip turǵyn úı-kommýnaldyq sharýashylyq, ónerkásiptik jáne azamattyq qurylys, kottedjdik jáne az qabatty qurylys salalarynda mamandar daıyndaý boıynsha; 2) «Tehno Nıkol» - qurylys ınnovatsııalary» JShS birlesip ónerkásiptik edenderdiń qurylys tehnologııasy, beton jóndeý jáne qural-jabdyqtardyń gıdrooqshaýlaý boıynsha; 3) «Lokomotıv qurastyrý zaýyty» AQ-ymen birlesip tokarlyq is jáne metall óńdeý boıynsha. Budan ózge, «Sofı-Dent» stomatologııalyq emhanasymen birlesip medıtsınalyq jáne farmatsevtıkalyq bilimi bar kadrlardyń biliktiligin arttyrý boıynsha oqý ortalyǵy ashylady.
Pedagogtar jetispeýshiligi máselesin sheshý úshin Eýrazııalyq gýmanıtarlyq ınstıtýttyń (EAGI) negizinde «Mektepke deıingi tárbıe jáne oqý» mamandyǵy boıynsha syrttaı oqý fakýltetinde bir top (25 adam) ashyldy, dep jazady astana.gov.kz.
EKSPO-2017 kórmesi úshin kadrlardy daıyndaý maqsatynda servıs jáne qyzmet kórsetý mamandyqtary boıynsha oqytý júrgizilýde.
