2017 jyly elordadaǵy áýejaı qyzmetteriniń quny óspeıdi
ASTANA. QazAqparat - Aǵymdaǵy jyly elordadaǵy áýejaı qyzmetteriniń quny óspeıdi. Bul týraly Májilistegi Úkimet saǵatynda QR Investıtsııalar jáne damý mınıstri Jeńis Qasymbek málim etti, dep habarlaıdy QazAqparat.
«Ótken jylda qabyldanǵan zańnamaǵa sáıkes, bıylǵy qańtardan bastap salalyq rettegish qyzmetteri Azamattyq avıatsııa komıtetine aýysty. ıAǵnı áýejaıdaǵy qyzmetterge tarıfterdi bekitýmen mınıstrlik jáne komıtet te aınalysady», - dedi mınıstr depýtattar tarapynan qoıylǵan saýalǵa jaýap berý barysynda.
Onyń sózine qaraǵanda, aǵymdaǵy jyly bul qyzmetter qunyn ósirý qarastyrylmaǵan.
«Bıylǵa Astana boıynsha osy tarıfter deńgeıin ózgertýdi josparǵa engizgen joqpyz. Atap aıtqanda, valıýta baǵamynyń ózgerýine jáne basqa da jaǵdaılarǵa qaramastan, sońǵy tórt jylda tarıfterdi ósirgen joqpyz. Osy oraıda áýejaıdaǵy qyzmetterge tarıfter ózgeriske ushyramady», - dep naqtylady Qasymbek.
