2017 jyly Búkilálemdik kitap astanasy atanatyn el anyqtaldy
ASTANA. QazAqparat - Gvıneıa Respýblıkasynyń astanasy Konakrı qalasy 2017 jylǵy Búkilálemdik kitap astanasy dep jarııalandy, dep habarlady BUU Jańalyqtar ortalyǵynan.
ıÝNESKO bas dırektory Irına Bokova «kitap, bilim alý, oqý - adam ómiriniń negizgi baǵyty bolyp tabylatynyn» atap ótti. Gvıneıa Respýblıkasynyń kitaptardy nasıhattaýǵa, saýattylyqty arttyrýǵa qosqan aýqymdy úlesi mádenıet pen bilimdi damý men qalpyna keltirýdiń qozǵaýshy kúshi retinde paıymdaı bilgenin kórsetedi. ıÝNESKO muny tolyqtaı qoldaıdy.
Jyl saıyn Halyqaralyq baspagerler qaýymdastyǵy, Halyqaralyq kitap saýdasy federatsııasy jáne Halyqaralyq kitaphanalyq qaýymdastyqtar men mekemeler federatsııasy - kitap ındýstrııasynyń úsh sektoryn qamtıtyn halyqaralyq uıymdar jyl boıy kitap astanasy atanatyn qalany tańdaıdy. Ol jyl 23 sáýirden (Búkilálemdik kitap jáne avtorlyq quqyq kúni) bastalady. Munda kitap shyǵarý, olardy aldaǵy 12 aıda taratýǵa járdemdesý maqsatynda kitap shyǵaratyn ónerkásip ókilderi, baspagerler men jazýshylardyń basy biriktiriledi. Konakrı 17-shi Búkilálemdik kitap astanasy atandy. Budan buryn: Madrıd (2001 jyl), Aleksandrııa (2002 jyl), Nıý-Delı (2003 jyl), Antverpen (2004 jyl), Monreal (2005 jyl), Týrın (2006 jyl), Bogota (2007 jyl), Amsterdam (2008 jyl), Beırýt (2009 jyl), Lıýblıana (2010 jyl), Býenos-Aıres (2011 jyl), Erevan (2012 jyl), Bangkok (2013 jyl), Port-Harkort (2014 jyl), Inchhon (2015 jyl), Vrotslav (2016 jyl) osy mártebege laıyq dep tanylǵan edi.
