2017 jyly azyq-túlik ónimderine 23 mln teńgeden astam somaǵa aıyppul salyndy
KÓKShETAÝ. QazAqparat- Aqmola oblysynda azyq-túlik ónimderiniń sapasyn baqylaý maqsatynda júrgizilgen tekseris nátıjesine saı 23 mıllıonnan astam teńge aıyppul salyndy, dep habarlaıdy QazAqparat tilshisi óńirlik kommýnıkatsııalar qyzmetine silteme jasap.
Aqmola oblysy boıynsha qoǵamdyq densaýlyq saqtaý departamentiniń deregi boıynsha óńirde sapasyz azyq-túlik ónimderiniń sany azaıǵan.
Máselen, azyq-túlik ónimderiniń 2015 jyly 38,4 paıyzy, 2016 jyly 24,1 paıyzy, 2017 jyly 17,2 paıyzy tehnıkalyq reglament talaptaryna saı bolmaı shyqty.
«Saraptama qorytyndysyna saı 2017 jyly tekserýge alynǵan synaqtyń 17,2 paıyzy talapqa saı bolmaı shyqty. Onyń ishinde 11,8 paıyzy taǵamdarǵa, 8,7 paıyzy balalar ónimine, 5,8 paıyzy balalar men jasóspirimderdiń kıimine, 6 paıyzy parfıým jáne kosmetıkalyq ónimderge, 1 paıyzy turmystyq hımııa ónimderine, 0,7 paıyzy jaǵar maılar men arnaıy suıyqtyqtarǵa, 0,2 paıyzy polımer, sıntetıka jáne ózge materıaldarǵa tıesili. Sonymen qatar, 94,1 paıyz markileý, 7,7 paıyzy qaýipsizdiktiń mıkrobıologııalyq kórsetkishteri boıynsha, 4,8 paıyzy fızıkalyq jáne hımııalyq kórsetikshterine tıesili boldy», dep atap ótti óńirlik kommýnıkatsııalar qyzmeti.
Osy ýaqytqa deıin 5 tonnadan astam, onyń ishinde 324 tonna taǵam jáne 3 tonnadan astam hımııalyq jáne munaıhımııa ónimderi saýdadan alyndy.
«Osyǵan baılanysty halyqtyń sanıtarlyq-epıdemologııalyq ál-aýqaty salasyndaǵy QR zańnamasynyń talaptaryna jol bergen kásipkerlik sýbektilerine 162 jazbasha eskertý berildi», dep túsindirdi vedomstvo.
Tekseris nátıjesine saı 23 mıllıonnan astam teńgege aıyppul salyndy.
