2017 jyly áýe kompanııalary rekordtyq deńgeıde jolaýshylar tasymaldady
ASTANA. QazAqparat - 2017 jyly búkil álemdegi áýe kompanııalary 37 mıllıon reısti iske asyryp, jolaýshy tasymalyn rekordtyq deńgeıge jetkizgen.
ıAǵnı byltyr ushaq kómegine júgingen jolaýshylar sany 4,1 mlrd-qa jetti. Bul jaıly Halyqaralyq azamattyq avıatsııasy uıymyna silteme jasap BUU jańalyqtar saıty habarlaıdy.
Ásirese arzan ushaq bıletterin usynatyn kompanııalar qyzmetin paıdalanǵan jolaýshylar sany kúrt artqan.
Sarapshylar áýe kóligi jolaýshylary sanynyń ósimin byltyr álem ekonomıkasynyń jaqsarýy jáne qyzmet baǵasynyń tómendeýimen baılanystyryp otyr. Onyń ústine avıatsııa janarmaıynyń baǵasy da asa qymbattaǵan joq.
Aýe tasymaldarynyń eń kóp bóligi - 37% Eýropanyń úlesine týra keledi. Al Soltústik Amerıkalyq kompanııalar barlyq halyqaralyq reısterdiń 13%-yn iske asyrǵan.
