2017 jyly Astanada jalpy aýdany 125 ga eki demalys aımaǵy ashylady
ASTANA. QazAqparat - Astana qalasy Tabıǵı resýrstar jáne tabıǵat paıdalanýdy retteý basqarmasynyń habarlaýynsha, elordada «Jasyl beldeý» aýmaǵynda jalpy aýdany 125 ga quraıtyn eki «rekreatsııalyq aımaq» qurýdyń tehnıkalyq-ekonomıkalyq negizdemesi ázirlenip jatyr.
Jalpy aýdany 100 ga «Soltústik tizbek» ýchaskesinde at sporty keshenin eskere kele, demalys aımaǵyn qurý kózdelgen. Bul aımaqta jyldyń tórt mezgiline arnalǵan sporttyq, oıyn-saýyq keshenderin eskere kele, qala turǵyndary men qonaqtaryna arnalǵan belsendi demaalys qarastyrylǵan.
Ekinshi aımaq «Jasyl beldeý» aýmaǵynda «Úrker» turǵyn alabyna qarsy ornalasady. Onda qazirgi velojoldardy paıdalana otyryp, aýdany 25 ga belsendi demalys aımaǵyn qurý josparlaanǵan.
2015 jyly «Jasyl beldeý» aýmaǵyndaǵy rekreatsııalyq aımaaqtar qurylysynyń jobalyq-smetalyq qujattamasy ázirlenedi, atalǵan jobalar jeke ınvestıtsııalar tartý arqyly 2017 jylǵa deıin júzege asyrylady.
Atalǵan demalys aımaqtarynyń ereksheligi qala ishinde ekologııalyq taza «Jasyl beldeý» aýmaǵynda aǵashtyń arasynda ornalasatyny.
Rekreatsııalyq aımaqtardy jeke ınvestıtsııalyq qarjynyń esebinen ashý olardy kútý jáne paıdalaný aıasynda bıýdjet shyǵyndarynyń ornyn toltyrýǵa múmkindik beredi, dep jazady elorda ákimdiginiń resmı saıty.
