2017 jyly Astana oqýshylaryna 10 mln teńge grant bólinedi
ASTANA. QazAqparat - 2017 jyly Astanada 10 ınnovatsııalyq mektep paıda bolady jáne mektep oqýshylaryna grantqa 10 mıllıon teńge bólinedi. Bul týraly daryndy oqýshylarmen kezdesý barysynda Astana ákimi Áset Isekeshev habarlady.
«Biz kelesi jyly 10 ınnovatsııalyq mektep ashýdy josparlap otyrmyz. Kásipkerlermen, ulttyq kompanııalarmen birlesip bul mektepterde belgili bir mamandyqtardy qoldaıtyn bolamyz. Mysaly, ol robotty tehnıka nemese aqparattyq tehnologııa, ne hımııa bolýy múmkin. Kásipkerlermen ýaǵdalastyqqa qol jetkizdik, kelesi jyly jumysty bastaımyz», - dedi Isekeshev.
Onyń aıtýynsha, elordalyq eki mektep boıynsha «Qazatomónerkásip» AQ-men osyndaı ýaǵdalastyq bar. Ákim sondaı-aq 2017 jyly 20 ınnovatsııalyq mektep ashýdy josparlap otyrǵanyn habarlady. Isekeshev jelilik akademııa qurý týraly amerıkalyq "Tsısko" kompanııasymen ýaǵdalastyqqa qol jetkizgenin atap ótti.
Astana oqýshylarynyń ǵylymı, ónertapqyshtyq qyzmetterine jaǵdaı jasaý maqsatynda Nazarbaev Ýnıversıtetimen, basqa da JOO-larmen ýaǵdalastyq bar. Sondaı-aq Isekeshevtiń aıtýynsha, kelesi jyly ákimdik oqýshylardyń úzdik ınnovatsııalyq jumysyna arnalǵan grant túrinde 10 mıllıon teńge qarajat bóledi.
