2017 jyly áskerden qashý faktileri tirkelmedi
«2017 jylǵy quqyqtyq statıstıka organdarynyń sanaq málimetteri jáne olardyń statıstıkalyq salystyrmasy boıynsha áskerden qashý nemese ruqsatsyz áskerı bólimderdi tastap ketken áskerı qyzmetshiler týraly QR Qorǵanys mınıstrliginde faktiler tirkelmegen. Kórsetilgen kezeńde azamattardyń áskerge shaqyrýdan jaltarý faktileri tirkelgen joq», - dep atap ótilgen QR Qorǵanys mınıstrliginiń málimetinde.
Budan bólek, atalǵan vedomstvo jastardy merzimdi áskerı qyzmetke shaqyrýdy uıymdastyrý jáne júrgizý kezinde problemalar joq ekendigin habardar etti.
Sonymen qatar mınıstrlik áskerge shaqyrylýy tıis jastardyń densaýlyq jaǵdaıyna qatysty málimet berdi. «Respýblıkadaǵy áskerge shaqyrylýy tıisti jastardyń densaýlyq jaǵdaıy QR Qarýly Kúshterdi, basqa da áskerler men áskerı qurylymdardy merzimdi qyzmettegi áskerı qyzmetshilerdiń qajetti sanymen jasaqtaýǵa múmkindik beredi», -delingen Qorǵanys mınıstrliginiń resmı jaýabynda.
