2017 jyly Almatyda ótetin ýnıversıadaǵa 3 myńǵa jýyq eriktiler tartylmaq - Bilim jáne ǵylym mınıstri
ASTANA. 4 jeltoqsan. QazAqparat - 2017 jyly Almatyda ótetin ýnıversıadaǵa 3 myńǵa jýyq eriktilerdi tartý josparlanýda.
Bul týraly búgin Úkimet otyrysynda 2017 jylǵy 28-shi qysqy Búkilálemdik ýnıversıadaǵa daıyndyq boıynsha baıandama jasaý kezinde Bilim jáne ǵylym mınıstri Baqytjan Jumaǵulov aıtty.
«Osyǵan baılanysty 2013 jyly jazda shet tilin biletin úzdik stýdentterden quralǵan eriktilerdi jazǵy Búkilálemdik ýnıversıada ótetin Qazan qalasyna tájirıbe alýǵa jiberýdi oryndy dep esepteımin»,-dedi mınıstr.
Budan bólek B. Jumaǵulov atalǵan stýdentterdi aldaǵy jyly Italııadaǵy Trentıno qalasyna qysqy ýnıversıadaǵa jiberý kerektigin de atap ótti. «Olar alǵan tájirıbelerin taratyp, basqa stýdentterdi oqytatyn bolady. Bul daıyndyqta mınıstrliktiń bastamasymen qurylǵan Ulttyq eriktiler jelisi mańyzdy oryn alady»,-dep túıdi B. Jumaǵulov.
