2017 jyly Almatyda Dúnıejúzilik qysqy ýnıversıadany ótkizý máselesi talqylanýda
trong>Qazannyń 22-si. QazAqparat /Názıra Eleýhan/ - Almaty men Astana qalalarynda 2017 jyly Dúnıejúzilik qysqy ýnıversıadany ótkizý máselesi qarastyrylýda. Bul týraly búgin baspasóz májilisinde Qazaq sport jáne týrızm Akademııasynyń rektory Qaırat Zakırıanov málimdedi,
dep habarlaıdy QazAqparat.
Qazaq sport jáne týrızm Akademııasynyń rektory Qaırat Zakırıanovtyń aıtýynsha, eger Qazaqstan óz tarapynan Dúnıejúzilik qysqy ýnıversıadany Almatyda nemese Astana qalasyndaótkizý týraly ótinish bildirse, Halyqaralyq Olımpıada komıteti jáne sport ýnıversıtetiniń Halyqaralyq Federatsııasy qoldaý kórsetedi.
Bul másele jaqynda qazan aıynyń 7-11-i kúnderi Qazaq sport jáne týrızm Akademııasyda ótken «Zamanaýı Olımpıadalyq sport jáne sport barshaǵa» atty HІІІ-shi Halyqaralyq ǵylymı Kongreste aıtylǵan bolatyn. Kongreske qatysqan dúnıejúziniń 34 elinen kelgen ókilder, Almaty jáne oblystaǵy taý shańǵysy bazalarynda, salynyp jatqan 2011 jylǵy Qysqy Azııa oıyndary qurylystarymen tanysqan edi. Kongress Elbasy Nursultan Nazarbaevpen Halyqaralyq Olımpıada komıtetiniń prezıdenti Jak Roggeniń qoldaýymen ótken bolatyn.
