2017 jyly álemdegi týrıster sany 1,3 mlrd adamnan asqan
ASTANA. QazAqparat - 2017 jyly álemdegi týrıster sany 1,3 mlrd adamnan asyp ketken, dep habarlaıdy Anadoly (UNWTO) BUU týrıstik uıymyna silteme jasap.
Esepke sáıkes, 2017 jyly álemdegi týrısterdiń sany 2016 jylmen salystyrǵanda 6,7 paıyzǵa kóbeıip, 1,322 mlrd adamǵa deıin ósken. Bul - 2010 jyldan bergi rekordtyq kórsetkish.
Týrıstik aǵynnyń maksımaldy ósimi 8 paıyzdyq kórsetkishpen Eýropa jáne Afrıka elderine tıesili boldy. Azııa-Tynyq muhıt óńirleri - 6 paıyz, Taıaý Shyǵys - 5, jáne Amerıka elderi úsh paıyzdy qurady.
2017 jyly Eýropa qurlyǵyna 671 mln týrıst barsa, Azııa-Tynyq muhıt óńirlerine - 324 mln, Amerıkaǵa - 207 mln, Afrıkaǵa - 62 mln jáne Taıaý Shyǵysqa 58 mln týrıst barǵan.
