2017 jyly álemde tabıǵı apattardan $300 mlrd kóleminde shyǵyn keldi
ASTANA. QazAqparat - 2017 jyly álemde tabıǵı apattardan kelgen ekonomıkalyq shyǵyn 306 mlrd dollardy qurady, dep habarlaıdy Anadoly .
Shveıtsarııanyń Swiss Re saqtandyrý kompanııasy jasaǵan esepke súıensek, tabıǵı apattardan kelgen shyǵyn kólemi 2017 jyly 63 paıyzǵa, ıaǵnı 188 den 306 mlrd dollarǵa deıin ósken.
Tabıǵı apat túrlerine eń kóp ushyraǵan Amerıka qurlyǵy. Bıyl Harvı, Irma, Marııa daýyldarynyń Karıb araldary men AQSh-tyń ońtústigine oıran salyp ketkeni týraly jaǵdaılar jıi tirkelgen. Onyń ústine Meksıkadaǵy jer silkinisi men Kalıfornııadaǵy órtti qosyńyz.
Tabıǵı apattardan zardap shekken adamdar ósimi baıqalǵan joq. Olardyń sany - 11 myńnyń kóleminde.
Harvı, Irma jáne Marııa daýyldarynyń saqtandyrý shyǵynyn tóleý kólemi 93 mlrd dollarǵa baǵalanǵan.
