2017 jyly Alakól baǵytyndaǵy joldar jóndeledi
ASTANA. QazAqparat - ShQO-nyń týrıstik nysandaryn básekege qabiletti etý úshin 2017 jyly joldardy jóndeý barysynda basty nazar demalys oryndary baratyn joldarǵa bólinbek. Olardyń biri - Alakól baǵytyndaǵy jol, dep habarlaıdy oblys ákimdiginiń baspasóz qyzmeti.
Oblystaǵy joldardy jóndeý qaýipsizdik sharalaryn qamtamasyz etýmen qatar týrızmdi damytýǵa da óz septigin tıgizedi. Soǵan dálel - bıyl jóndeýden ótken ótken Óskemen-Tarǵyn-Samar, Sibe kólderine jáne Nurtaý shańǵy bazasyna deıingi joldar. Sonymen qatar Aıagóz-Tarbaǵataı-Buǵaz, Kúrshim-Qaljyr, Borodýlıha-Shemonaıha, Serebrıansk qalasyna kire beris tas joldary da jóndeýden ótti.
Shyǵys Qazaqstannyń aımaqtyq kommýnıkatsııalar qyzmetinde ShQO jolaýshy kóligi men avtomobıl joldary basqarma basshysy Berik Beısekenov baspasóz máslıhaty barysynda 2017 jyly týrıstik nysandar men demalys oryndary baǵytyndaǵy joldardy jóndeý jumystarynyń jalǵasatynyn aıtty.
- Jaqsy damyǵan týrıstik klaster aımaq ınvestıtsııasyn arttyrady. Sondyqtan, biz 2017 jyly Alakólge aparatyn Qabanbaı aýylynan Almaty oblysynyń shekarasyna deıingi joldardy jóndeý jumystarymen qamtımyz. Óıtkeni bul joldarmen Almaty men ózge aımaqtardan keletin týrıster poıyzben júredi. Ary qaraı taksı nemese avtobýspen kól jaǵasyna jetedi. Sondyqtan demalýshylarǵa jol júrý kezinde jaqsy jaǵdaı jasaýymyz qajet - dedi Berik Beısekenov.
Sondaı-aq, bıylǵy jyly Óskemen-Zyrıan-Katonqaraǵaı-Rahman bulaqtary respýblıkalyq mańyzy bar joldarǵa ortasha jóndeý júrgiziledi. Al 2017 jyly Reseı Federatsııasymen shekaradaǵy Semeıdegi «Aýyl» jáne Óskemen-Shemonaıha tas jolyndaǵy «Ýba» ótkizý pýnkteri jóndeletin bolady. Sonymen qatar, Alakólden Barlyq Arasanǵa deıingi joldardy jóndeý josparlanyp otyr.
Atap ótsek, 2016 jyly ShQO-da ortasha jóndeý jumystary mańyzdy boldy. 221 shaqyrymdy quraıtyn 16 oblystyq jáne aýdandyq ýchastkeler qamtyldy. Shuńqyr jamaý jumystary 230 myń sharshy metrdi qamtyp, bul 2015 jylmen salystyrǵanda 50 myń sharshy metrge artyq.
