2017 jyly Aqtóbe oblysynda 300 shaqyrym jol jóndeledi

ASTANA. QazAqparat - 2017 jyldyń qorytyndysy boıynsha Aqtóbe oblysynda 300 shaqyrym jol jóndeledi. Bul týraly búgin Ortalyq kommýnıkatsııalar qyzmetiniń baspasóz máslıhatynda oblys ákimi Berdibek Saparbaev málimdedi.

«Bıyl 300 shaqyrym jol jóndeledi, bul ótken jylǵymen salystyrǵanda 2,7 esege artyq. Osy maqsatqa 10,6 mlrd teńge bólindi. Jumys quramyn jergilikti qamtý - 100%. Joba qazirgi zamanǵy tehnologııalardy, sonyń ishinde «kádege jaratý» («resaıklıng») ádisin belsendi túrde qoldanady», - dep habarlady oblys ákimi.

Berdibek Saparbaev jóndeý-qurylys jumystary júrip jatqan «Aqtóbe-Orsk», Aqtóbe qalasynyń ońtústik aınalma joly, «Shubarqudyq-Oıyl-Qobda-Sol-Iletsk», «Donskoe-Badamsha-Aqtóbe-Orsk», sondaı-aq Aqtóbe qalasynan AFZ aımaǵyna shyǵatyn jol ótkeli qurylysy syndy iri jobalarǵa erekshe toqtaldy.

Sonymen qatar, bıylǵy jyly «Aqtóbe-Atyraý - Astrahan (Reseı Federatsııasy shek.) avtojolyn qaıta jóndeý jumystary júrgizilmek.