2017 jyly ádilet organdarynyń 11 qyzmetkeri sottaldy
«Ádilet mınıstrligi qyzmetiniń basym baǵyttarynyń biri jemqorlyqtyń aldyn alý, oǵan jol bermeý jáne kórinisteriniń jolyn kesý bolyp sanalady. 2017 jyly ádilet aýmaqtyq organdarynyń qyzmetkerlerine qatysty 10 qylmystyq is qozǵalyp, 11 qyzmetker sottaldy. Ortalyq apparat qyzmetkerlerine qatysty qylmystyq is qozǵalǵan joq. Kórip otyrǵanymyzdaı, 2017 jyly jemqorlyq deńgeıiniń tómendeýine yqpal etken naqty nátıjelerge qol jetkizdik», - dedi Danııar Aıtmuhametov vedomstvonyń alqa otyrysynda.
Onyń aıtýynsha, Ádilet mınıstrligi jemqorlyqtyń alǵy sharttaryn, sebepterin jáne ony týyndatatyn jaǵdaılaryn joıýǵa baǵyttalǵan keshendi sharalardy qabyldaýda. Olardyń biri «100 naqty qadam» Ult jospary aıasynda júzege asyrylyp, jeke sot oryndaýshylary ınstıtýty engizilgen.
«Jeke sot oryndaýshylarynyń quzyretine turǵyn úıge qonystandyrý, qonystan shyǵarý, úılerdi súrý, jer telimderin alý, memleket múddesine somany óndirip alýdy qospaǵanda barlyq atqarýshylyq qujattar berilgen. Sonyń nátıjesinde atqarýshylyq qujattardyń basym bóligin jeke sot oryndaýshylar atqarady. Meniń oıymsha, sot oryndaýshylaryn jeke ortaǵa berý jemqorlyq kórinisterdi joıýǵa aıtarlyqtaı septigin tıgizdi. Óıtkeni, jeke sot oryndaýshysynyń negizgi tabysy onyń jumysynyń nátıjesine baılanysty», - dedi mınıstrlikti jaýapty hatshysy.
