2017 jyly 352 azamattyń ajaly órtten boldy – QR ІІM
ASTANA. QazAqparat - 2017 jyly Qazaqstanda órt saldarynan 352 adam qaza tapty. Bul týraly búgin QR Іshki ister vıtse-mınıstri ıÝrıı Ilın aıtty, dep habarlaıdy QazAqparat.
«Qabyldanǵan sharalarǵa qaramastan sońǵy jyldary órt sany joǵary bolyp otyr. 2017 jyly 15 myńnan astam órt tirkelip, saldarynan 816 adam zardap shekti, onyń 352-si qaza tapty»,- dedi vıtse-mınıstr Májilistegi «Tótenshe jaǵdaılardyń aldyn alý jáne olardy joıý jónindegi memlekettik júıeniń jaı-kúıi men damý perspektıvalary týraly» dóńgelek ústel otyrysynda.
Onyń dereginshe, respýblıka aýmaǵynda shamamen 422 órt sóndirý deposy jumys istep tur. Biraq, bul jetkiliksiz. El aýmaǵynda áli de shamamen 233 depo qajet. Buǵan qosa, jumys istep turǵandarynyń keıbiri ótken ǵasyrdyń 50-70 jyldary salynǵan jáne qurylys normalarynyń talaptaryna saı emes.
«Jalpy depolardyń ishinde 11-iniń ǵımaratyn jalǵa alyp otyrmyz. 12 ǵımarat órt sóndirý deposy retinde jasaqtalǵanymen, qyzmetti durys atqarýǵa jaramsyz. Uzaq ýaqyt paıdalanylýynyń saldarynan 23 órt sóndirý deposynyń jaı-kúıi qanaǵattanarlyqsyz jaǵdaıǵa túsken. Mamandardyń qorytyndysyna sáıkes, tirek qurylǵylarynyń opyrylý qaýpine baılanysty olardy súrip tastaý qajet», - dedi ıÝrıı Ilın.
