2017 jyly 107,9 mlrd teńgege 190 nysan satyldy

ASTANA. QazAqparat - Jekeshelendirýdiń keshendi jospary 902 nysandy qamtıdy. Bul týraly búgin Májilistegi Úkimet saǵatynda QR Ulttyq ekonomıka mınıstri Tımýr Súleımenov aıtty, dep habarlaıdy QazAqparat.

Onyń aıtýynsha, 2017 jyly Jekeshelendirýdiń keshendi jospary 168 uıymmen tolyqtyryldy. Prezıdenttiń tapsyrmalary men Ekonomıkany jańǵyrtý máseleleri jónindegi memlekettik komıssııanyń usynymdary boıynsha jekeshelendirý josparynan 46 uıym alyp tastaldy.

«Qazirgi ýaqytta Jekeshelendirýdiń keshendi jospary 902 nysandy qamtıdy. 2017 jylǵy ósim 122 kompanııany nemese 15,6 paıyzdy qurady. Keshendi jospar iske asyrylǵan 2 jyl ishinde 476 nysan satýǵa qoıyldy. Olardyń ishinde 367 nysan 164,7 mlrd teńgege satyldy. Budan basqa 255 nysan qaıta uıymdastyrý jáne taratylý satysynda. Tutastaı alǵanda qaıta uıymdastyrylǵan jáne taratylǵan nysandardy eskergende Jekeshelendirýdiń keshendi josparyn oryndaý 70 paıyzdan astam bolyp otyr», - dedi mınıstr.

Tımýr Súleımenovtiń sózine qaraǵanda, 2017 jyly 461 nysandy satý josparlanǵan. Jospar 97 paıyzǵa oryndaldy. 289 nysan satýǵa qoıylyp, onyń ishinde 107,9 mlrd teńgege 190-y satyldy.

«Júrgizilgen saýda-sattyq nátıjeleri boıynsha 2017 jyly 10 nysan áli satylǵan joq, olar 2018 jyldyń sońyna deıin satylady. 162 nysan qaıta uıymdastyryldy jáne taratýǵa jatady. 190 nysannyń 77-si aýktsıon arqyly ótkizilgen. Onyń ishinde bastapqy baǵasyn tómendetý arqyly 58 uıym jáne bastapqy baǵasyn joǵarylatý arqyly 19 uıym satyldy. Tender ótkizý arqyly 107, tikeleı ataýly satý arqyly 3 jáne eki kezeńdik rásimder konkýrsy arqyly 3 nysan satyldy», - dedi ol.


Foto: localwork.com