2017 jylǵy qysqy Ýnıversıadaǵa qajetti negizgi sporttyq nysandar daıyn - S.Musaıbekov
ASTANA. QazAqparat - 2017 jylǵy qysqy Ýnıversıadaǵa qajetti negizgi sporttyq nysandar daıyn. Bul týraly búgin QR Prezıdenti janyndaǵy Ortalyq kommýnıkatsııalar qyzmetinde ótken brıfıngte elimizdiń Mádenıet jáne sport vıtse-mınıstri Sáken Musaıbekov málim etti.
BAQ ókilderiniń saýalyna oraı ol 2017 jyly Almatyda ótetin Ýnıversıada oıyndaryna daıyndyq tolyqqandy júrgizilip jatqanyn aıtty.
«Bizde eshqandaı dúrmek joq. Óıtkeni, buǵan deıin biz Azıada oıyndaryn ótkizdik jáne barlyq nysandar qazirgi ýaqytta salynǵan. Qazirgi ýaqytta Almatyda 12 myń jáne 3 myń adamdyq 2 stadıon, sonymen qatar stýdentter qalashyǵyn salyp jatyrmyz. Negizinen bizde negizgi nysandardyń barlyǵy derlik daıyn. Eshqandaı problema joq, qarjy bólinýde, qurylys jumystary belgilengen merzimde júzege asyrylýda», - dedi S.Musaıbekov.
Sonymen qatar ol 1-1,5 jyldan keıin 2017 jylǵy Ýnıversıada oıyndaryna elimizdiń tolyq daıyn bolatyndyǵyn basa aıtty.
Esterińizge sala keteıik, 28-shi Búkilálemdik qysqa Ýnıversıada Almatyda 2017 jyldyń 28-shi qańtary men 8-shi aqpan aralyǵynda ótedi. Ýnıversıada baǵdarlamasyna sporttyń 13 túri engen. Halyqaralyq sporttyq sharanyń logotıpi, nyshany jáne urany bekitilgen. Ýnıversıada 10 sporttyq nysanda ótedi. Onyń úsheýiniń qazirgi ýaqytta qurylysy júrgizilýde.
