2017 jylǵy qańtardaǵy kúnkóristiń eń tómengi deńgeıi 21 835 teńge boldy

ASTANA. QazAqparat - Negizgi tamaq ónimderin tutynýdyń eń tómengi normalarynan eseptelgen orta eseppen halyqtyń jan basyna shaqqandaǵy kúnkóristiń eń tómengi deńgeıiniń shamasy 2017 jylǵy qańtarda ótken aımen salystyrǵanda 1,5%-ǵa joǵarylady, dep habarlaıdy Ulttyq ekonomıka mınıstrliginiń resmı ınternet saıty.

Ondaǵy málimetterge qaraǵanda, eń tómengi kúnkóris qurylymynda et pen balyqty satyp alýǵa jumsalǵan shyǵystardyń úlesi 21%, sút, maı jáne toń maı ónimderi men jumyrtqa - 17,8%, jemister men kókónister - 9,8%, nan jáne jarma ónimderi - 8,7%, qant, shaı jáne dámdeýishter boıynsha - 2,7%-dy qurady.