2017 jylǵy qańtarda kómir men munaı baǵasy ósti
ASTANA. QazAqparat - QR Ulttyq ekonomıka mınıstrligi Statıstıka komıteti 2017 jylǵy qańtarda keıbir ónerkásiptik ónimderdiń baǵalary óskenin jarııa etti, dep habarlaıdy QazAqparat.
2017 jylǵy qańtarda 2016 jylǵy jeltoqsanmen salystyrǵanda, óndirýshi kásiporyndar baǵasy ken óndirý ónerkásibinde 11,5%, óńdeý ónerkásibinde 1%-ǵa joǵarylady. Óndirilgen ónimge baǵa - 6,8%, óndiristik sıpattaǵy qyzmetterge 2,7%-ǵa joǵarylady.
Degenmen, mınıstrliktiń málimetteri boıynsha, keıbir salalarda ónim quny ósim kórsetse, keıbirinde kerisinshe tómendegen.
«Ótken aıda óndirýshi kásiporyndar baǵasy munaıǵa - 14,3%, kómirge - 4,4%, metall kenderine - 3,7%, dızel otynyna - 0,8%, benzınge - 0,6%, tabıǵı gazǵa 0,5%-ǵa joǵarylady, suıytylǵan propan jáne býtanǵa 0,8%-ǵa tómendedi. Baǵanyń ferroqorytpalarǵa - 10,4%, myryshqa - 3%, qorǵasynǵa - 2,8%-ǵa joǵarylaýy, olardyń asyl metaldarǵa - 4,6%, alıýmınııge - 2,4%, qara metaldar ılegine 1,9%-ǵa tómendeýi tirkeldi», - delingen habarlamada.
Óndirýshiler baǵasynyń qantqa - 3,7%, qara bıdaı unyna - 1,9%, sút ónimderine - 1,7%, mal etine - 1,3%, qus etine - 1%, ósimdik maıyna 0,8%-ǵa joǵarylaýy baıqaldy.
