2017 jylǵy qańtarda elimizde 61394 jeńil avtomobıl tirkeldi
ASTANA. QazAqparat - 2017 jylǵy qańtarda Qazaqstan Respýblıkasynda 61394 jeńil avtomobıl tirkeldi. Bul týraly QR Ulttyq ekonomıka mınıstrliginiń Statıstıka komıtetinen málim etti, dep habarlaıdy QazAqparat.
«2017 jylǵy qańtarda Qazaqstan Respýblıkasynda 61394 jeńil avtomobıl tirkelgen nemese ótken jylǵy tıisti aımen salystyrǵanda 26,6 paıyzǵa artty. Qazaqstan Respýblıkasynda 2017 jylǵy 1 aqpandaǵy jaǵdaı boıynsha tirkelgen jeńil avtomobılderdiń sany 3840,8 myń birlikti qurady»,- delingen habarlamada.
Sonymen qatar Statıstıka komıteti aqparatyna sáıkes 2017 jyly qańtarda 1480 adam zardap shekken 1046 jol-kólik oqıǵasy tirkeldi. Ótken jylǵy tıisti aımen salystyrǵanda oryn alǵan apat sany 6,7 paıyzǵa azaıǵan.
2017 jylǵy 1 aqpandaǵy jaǵdaı boıynsha saqtandyrý uıymdary kólik quraldary ıeleriniń azamattyq-quqyqtyq jaýapkershilikti mindetti saqtandyrý boıynsha 2,0 mlrd teńge somasyna 6013 saqtandyrý tólemin júzege asyrylǵan.
2016 jylǵy qańtar 2017 qańtar aralyǵy boıynsha avtomobılderdiń eń kóp tirkelýi qazan aıynda baıqaldy. 2017 jylǵy qańtarda tirkelgen jeńil avtomobılderdiń sany 2016 jylǵy jeltoqsanmen salystyrǵanda 3,9 paıyzǵa, al 2016 jylǵy qańtarmen salystyrǵanda 26,6 paıyzǵa artty.
