2017 jylǵy Emmy syılyǵynyń laýreattary belgili boldy
ASTANA. QazAqparat - Brıtandyq akterler Kennet Brana men Anna Frıl 2017 jylǵy Emmy halyqaralyq televızııalyq syılyǵynyń ıegerleri tizimine kirdi.
Saltanatty tabystaý rásimi dúısenbide Nıý-Iorkte ótti, dep habarlaıdy TASS.
Brana "Vallander" serıalyndaǵy róli úshin úzdik akter atansa, Frıl "Marchella" serıalyndaǵy jumysy úshin nagradaǵa ıe boldy.
Úzdik derekti joba retinde brıtandyq Bı-bı-sı teleradıo habar taratý korporatsııasynyń EXODUS: Our Journey to Europe serıaly marapattaldy. Bul serıalda Eýropaǵa bet túzegen qashqyndardyń oqıǵasy aıtylady. Úzdik dramalyq serıal bolyp norvegııalyq Mammon II tanyldy.
