2017 jylǵy bıýdjette pedagogtardyń jalaqysyn kóterýge múmkinshilik bar
Baspasóz máslıhaty barysynda Erlan Saǵadıev bilim mınıstrligine eshqandaı komandasyz kelgendigin aıtyp, aldaǵy ýaqytta ustazdardyń jalaqysyn kóterýge ýáde de berdi.
«Pedagogtardyń jalaqysy tym tómen ekendigimen kelisemin. Biz bul baǵytta jumys jasap jatyrmyz. Barlyq jańashyldyqtardy pedagogtarmen birge talqylaıtyn ádetimiz bar, sondyqtan qarjylyq máselelerdi de muǵalimdermen, Úkimetpen jáne Májilispen birge talqylaıtyn bolamyz. Biz 2017 jylǵy bıýdjette pedagogtardyń jalaqysyn kótere alamyz dep úmittenemin. Pedagog mamandyǵy ájeptáýir bedeldi bolady», - dedi ol.
Este bolsa, ótken aıdyń sońǵy onkúndiginde Májilis qabyrǵasynda ótken Úkimet saǵatynda oqýlyqtardaǵy kemshilikter talqylanyp, onyń barysynda depýtat Bekbolat Tileýhan oqýlyqtardaǵy olqylyqtardy synaǵan bolatyn. Sonymen qatar Májilis depýtaty Bilim jáne ǵylym mınıstrin dál osy máselege baılanysty aqparat quraldary aldynda «jekpe-jek» ótkizýge de shaqyrǵan-dy.
«Ereke, buǵan qazir jaýap berińiz. Qazir jaýap bere almasańyz, baspasóz betinde sizdi jekpe-jekke shaqyramyn jáne sizdiń jeńip ketýińizge shyn júrekten tilektespin. Ókinishke qaraı, jeńilip qalasyz-aý. Óıtkeni, eshqandaı ýáj joq. Erteń halyqtyń, saılaýshyldardyń aldynda biz jaýap berýimiz kerek», - degen edi depýtat.
Dál osy osy máselege oraı suraq qoıǵan BAQ ókilderine jaýap bergen Erlan Saǵadıev:
«Bekbolat Tileýxan BAQ aldynda pikir jarystyrýdy usyndy. Menińshe, bul durys emes. Biz ony oqýlyq jónindegi komıssııaǵa shaqyrǵan edik. Búgin men Májiliske qońyraý shaldym. Onda 11 depýtat jazylǵan, solardyń qatarynda Bekbolat Tileýxan da bar. Sol komıssııanyń jumysyna atsalyssyn, jumysyn kórsetsin. Men onymen baspasózde pikirtalasýǵa daıynmyn, biraq ol Úkimettiń jumysy emes», - dedi.
2018 jyly bazalyq zeınetaqyny taǵaıyndaý ádistemesi ózgeredi
Al búgin Memleket basshysynyń 2017 jyldyń 31 qańtaryndaǵy «Qazaqstannyń úshinshi jańǵyrýy: jahandyq básekege qabilettilik» atty Qazaqstan halqyna Joldaýyn túsindirýge arnalǵan QR Úkimetindegi baspasóz máslıhatyna QR Eńbek jáne halyqty áleýmettik qorǵaý mınıstri Tamara Dúısenova keldi. Ol óz sózinde, Memleket basshysy halyqqa sońǵy Joldaýynda úshinshi jańǵyrtý kezeńine kóshý qajettigin jarııalaǵanyn eske saldy. Elimizdiń álemdegi damyǵan 30 el qataryna kirýin qamtamasyz etýdi kózdegen bul qadam, áleýmetttik-eńbek salasyndaǵy ózekti máselelerdi sheshýde mınıstrlik aldyna da birqatar naqty mindetter qoıatyndyǵyn basa aıtty.
«Elbasynyń tapsyrmasy boıynsha 2017-2018 jyldary zeınetaqyny birtindep kóterýdi qarastyryp otyrmyz. 2017 jyldyń 1 shildesinen bastap yntymaqty zeınetaqy mólsheri, jyldyń basynda qosylǵan 9 paıyzdy eskergende taǵy 11 paıyzǵa ulǵaıtylady, bazalyq zeınetaqy mólsheri de, jyldyń basynda qosylǵan 7 paıyzdy eskergende, taǵy 13 paıyzǵa kóteriledi. Nátıjesinde biz 2016 jylmen salystyrǵanda zeınetaqy mólsherin 2017 jylǵy 1 shildeden bastap 20 paıyzǵa deıin arttyrýdy qamtamasyz etemiz», - dedi mınıstr.
Onyń aıtýynsha, eń tómengi kúnkóris deńgeıiniń 2018 jyldyń 1 qańtarynan 16 paıyzǵa joǵarylaıtynyna baılanysty, múgedektik, asyraýshysynan aıyrylý jaǵdaıy boıynsha jáne bazalyq zeınetaqy mólsheri artatyn bolady. 2018 jyldyń 1 shildesinen bastap bazalyq zeınetaqyny taǵaıyndaý ádistemesi ózgeredi.
«1998 jyldan beri júrgizilip kele jatqan ózgeristerimiz tujyrymdamalyq, qurylymdyq ózgerister sanalady. Buryn zeınetaqyny tek memleket tólep kelgen bolsa, endi qurylymdyq ózgeriske sáıkes zeınataqyny tóleý úshin úsh sýbekt jaýapty bolady: memleket, jumys berýshi jáne jumysshy. Bul rette ár azamat óziniń jaýapkershiligin bilýi tıis. Zeınetke shyǵý úshin qajetti jarna tólep otyrýy qajet»,- dedi mınıstr.
Onyń atap ótýinshe, memleket óz tarabynan barlyq zeınetaqy tólemderin tólep keledi jáne onyń kólemin arttyrý máselesin de qolǵa alýda.
«Biz bárimiz jumysshy retinde jalaqymyzdan 10 paıyzdyq jarnamyzdy tólep kelemiz. Endi bizdiń zeınetaqy qorymyzǵa úshinshi sýbekt tólem jasaıdy. Qazirgi ýaqytqa deıin jumys berýshi qyzmetkerine zeınetaqy jarnasyn tólep kele jatqan joq. Biz ózimizdiń eńbekaqymyzdan 10 paıyz tólep kelemiz. Endi ózgeristerge sáıkes, 2020 jyldan bastap jumys berýshi óziniń qarajaty esebinen qosymsha 5 paıyz tóleıtin bolady. Mine osy úsh sýbektiden turatyn kópdeńgeıli zeınatqy júıesin biz 2020 jylǵa qaraı tolyq túzip bitýmiz kerek»,- dedi Tamara Dúısenova.
Baspasóz máslıhaty barysynda BAQ ókilderi QR UQK Almaty qalasy boıynsha departamenti Biryńǵaı jınaqtaýshy zeınetaqy qorynyń «Býzgýl Aýrým» JShS oblıgatsııalaryn satyp alý faktisi boıynsha qylmystyq is qozǵaǵanyn aıtyp, halyqtyq zeınetaqy salymdaryna alańdaýshylyq tanytqan edi. Bul saýalǵa jaýap bergen mınıstr halyqtyń alańdaýyna esh negiz joqtyǵyn basa aıtty.
«Biryńǵaı jınaqtaýshy zeınetaqy qory tóńiregindegi daý-damaıǵa qatysty aıtaıyn degenim, Zańǵa sáıkes azamattardyń zeınetaqy jınaǵyna memleket tarabynan tolyq kepildik beriledi. Azamattar zeınetkerlikke shyqqanǵa deıin olardyń qordaǵy jarnalary memleket tarabynan ınflıatsııaǵa baılanysty ósirilip otyrady. ıAǵnı, biz jyl saıynǵy ınflıatsııa kóleminen tómen emes jınaqtalǵan zeınetaqy qorymyzdy alýǵa tıispiz. Eger jınaqtaýshy qordyń durys istemegendiginen, ıakı ýaqytynda tabys ala almaǵandyǵynan zeınetaqy qorymyz kemıtin bolsa, onda ony memleket tolyqtyryp otyrady. Ol bizdiń Zańymyzda qarastyrylǵan», - dedi mınıstr.
Osy rette Tamara Dúısenova Biryńǵaı jınaqtaýshy zeınetaqy qory óz aktıvi esebinde qarajatty jumsaǵany úshin tekserýge ushyraǵandyǵyn atap ótti.
«Sheshimin sot shyǵarady. Biraq, bul másele bizdiń zeınetaqy qorymyzdaǵy qarajatqa esh qatysy joq. Biz ony eki jaqtan baqylaýda ustap otyrmyz. Aı saıyn biz árbir azamattyń eńbekaqysynan qansha qarajat zeınetaqy qoryna ketip jatqanyn kórip otyrmyz. Ekinshiden, Ulttyq bank te baqylaýda ustaıdy», - dedi ol.