2017 jylǵy 20 qańtardan keıin Obamanyń akkaýnttary kimge qalady
ASTANA. QazAqparat - AQSh Prezıdenti Barak Obamanyń Twitter, Facebook nemese basqa da áleýmettik medıaplatformalardaǵy akkaýntyna jazylǵan bolsańyz, 2017 jylǵy 20 qańtarda Obama ornyn bosatyp, Donald Tramp AQSh-tyń 45-shi prezıdenti retinde ant bergennen keıin bul akkaýnttary kimde qalatyny sizderge qyzyq bolýy múmkin.
Bul týraly ShareAmerica jobasynan habarlandy. «Obama basshylyqqa kóptegen áleýmettik jeliler tanyla bastaǵan tusta keldi», - dedi Aqúıdiń sandyq strategııasyn ázirlegen Meıkon Fıllıps (qazirgi ýaqytta Fıllıps ShareAmerica veb-saıtyn basqaratyn AQSh memlekettik departamentiniń Halyqaralyq aqparattyq baǵdarlamalar bıýrosynyń úılestirýshisi). Facebook-taǵy prezıdenttiń tvıtteri men posttaryn muraǵattaý - Aq úıdiń jańa mindeti.
AQSh-ta prezıdenttik qujatty bılikke beıbit tapsyrý jáne saqtaý dástúri burynnan kele jatyr. Obamanyń áleýmettik medıasyna qatysty aıtar bolsaq, Aq úı bul dástúrdi ustanady. «Qazirgi akkaýnttar da kólik turaǵy men keńse zattary sııaqty barlyq jazylýshylarmen jańa prezıdentke beriledi, - dep túsindirdi Fıllıps.
Jańa ákimshilik bul aktıvterge kedergisiz kirip, qajet kezinde paıdalana alýy tıis.
20 qańtarda 11 mıllıon paıdalanýshylarmen @POTUS tvıtter-mekenjaıǵa AQSh-tyń qazirgi prezıdenti Donald Tramp basshylyq jasaıtyn bolady. Burynǵy prezıdent Barak Obamanyń jalpyǵa qoljetimdi tvıtter-muraǵaty retinde AQSh Ulttyq muraǵattar jáne qujattama basqarmasy @POTUS44 jańa akkaýntyn ashady. Odna onyń jeke tvıtteri ornalasady. Osyndaı muraǵattarda Facebook, Instagram basqa da áleýmettik jelilerdegi Obamanyń akkaýnttary saqtalady.
