2017 jylǵa qaraı jazasyn óteýshilerdiń 75 paıyzdan astamy jumyspen qamtylady
Sóz arasynda Bas prokýror sotttalǵandardyq sanyn azaıtý týraly elimizdiń mindettemeleri sátti júzege asqanyn atap ótti. Onyń sózine qaraǵanda, ІІM júrgizgen úılesimdi jumystyń, Joǵarǵy Sot pen Parlament depýtattary kórsetken qoldaýdyń arqasynda sońǵy úsh jyl ishinde sottalǵandardyń sany 25 paıyzǵa kemip, árbir tórtinshi adam bostandyqqa shyqqan. Osylaısha, Qazaqstannyń tarıhynda tuńǵysh ret túrme halqy 40 myń adamǵa deıin azaıǵanyn aıtqan A.Daýylbaev, mundaı nátıjege raqymshylyq qoldaný arqyly emes, júıeli jáne jan-jaqty oılastyrylǵan qaıta qurýlardyń arqasynda qol jetkenin erekshe atap ótti. «Endigi kúni sottalǵandardy eńbekke tartý isi qaıta áleýmettendirýdi tıimdi túrde júrgizýge yqpal etedi. Búginniń ózinde bizder eńbekpen qamtylǵandar sanynyń 54 paıyzǵa deıin artqanyn kórip otyrmyz (23,4 myń adamnyń 12,6 myńy eńbekpen qamtylǵan). Osy maqsattarda kolonııalarǵa jeke kásipkerlik sýbektileri tartyldy, olar óz kezeginde jazasyn ótep jatqan 1800 adamdy jumyspen qamtyp otyr. Búginde mekemelerge óndiristik qyzmetpen aınalysý quqyǵyn berý máselesi Parlamentte belsendi túrde talqylanýda. Bizder 2017 jylǵa qaraı jazasyn óteýshilerdiń 75 paıyzdan astamyn jumyspen qamtýdy maqsat etip qoıyp otyrmyz», - dedi A.Daýylbaev.
