2017 jylǵa qaraı elimizdegi ekonomıkalyq belsendi halyq sany 9,5 mln. adamǵa jetedi
Ondaǵy maqsat, eńbek resýrstaryn qalyptastyrý, bólý jáne paıdalaný úderisin baǵalaýdyń tıimdiligin arttyrý.
Eńbek jáne halyqty áleýmettik qorǵaý mınıstrligi Halyqty jumyspen qamtý departamentiniń dırektory Dáýlet Arǵyndyqovtyń aıtýynsha, 2014 jyldan bastap eńbek resýrstarynyń teńgerimi negizinde mınıstrilikte eńbek naryǵyn damytýdyń besjyldyq boljamy ázirlenbek. Eńbek resýrsynyń teńgerimi aýmaqtaǵy eńbek kúshiniń áleýetin baǵalaý quraly bolyp esepeteledi jáne sol eńbek kúshiniń qalaı paıdalanylatyny týraly málimet beretin aqparat kózi bolyp tabylady. Budan bólek, ekonomıka mınıstrligi ázirlegen 2013 - 2017 jyldarǵa arnalǵan áleýmettik-ekonomıkalyq damý stsenarııine oraılastyrylǵan.
«Sonymen, bazalyq stsenarıı boıynsha 2013-2017 jyldar aralyǵynda Qazaqstanda ekonomıkalyq belsendi halyqtyń qarasy orta eseppen 127,8 myńǵa ósip, 2017 jylǵa qaraı olardyń jalpy sany 9,5 mln. adamǵa jetedi dep boljanyp otyr. Bul rette eldiń jekelegen óńirlerinde halyq sanynyń azaıýyna baılanysty belsendi halyq sany da qysqaratynyn nemese shamaly ǵana ósim bolatynyn atap ótken jón. Mundaı óńirlerge Aqmola, Qostanaı, Soltústik jáne Shyǵys Qazaqstan oblystary jatady», - delingen habarlamada. Ekonomıka men ekonomıkalyq belsendi halyq sanynyń ósýi sebebinen 2017 jylǵa taman jumyspen qamtylǵandardyń sany 9,16 mln. adamǵa deıin jetýi yqtımal. Mysal úshin, 2012 jylǵy 3 toqsanda olardyń qatary 8,54 mln. adamdy quraǵan. Eki qolǵa bir kúrek tapqandardyń qarasy respýblıkanyń ár óńirinde árkelki bolady. Bul aımaqtardyń demografııalyq úderisterine jáne damý kórsetkishterine baılanysty. Jumyspen qamtylǵandardyń birshamasy Astanada baıqalady (2017 jylǵa 107 myń adam), eń azy Soltústik Qazaqstanda (2017 jylǵa 2,7 myń adam).
Jumyspen qamtylǵandardy ekonomıkalyq qyzmet túrleri boıynsha bólý qurylymynda aıtarlyqtaı ózgeris kútilmeıdi.
2013-2017 jyldary sońǵy on jyldyqta qalyptasqan ekonomıkalyq qyzmet túrleri boıynsha jumyspen qamtylǵandardy bólý qurylymyn ózgertý úrdisi saqtalady.
Sonymen qatar, boljam boıynsha aýyl sharýashylyǵynda jumyspen qamtylǵandardyń úlesi tómendeı bermek (2011 jyly 26,5%-ten, 2017 jyly 23%-ke deıin). Budan bólek, boljamdarǵa saı mynadaı qyzmet túrleri boıynsha jumyspen qamtylǵandardyń úlesi azaıatyny boljanady:
- «Óńdeýshi ónerkásibi» (2011 jyly 6,5%-ten 2017 jyly 6,2%-ke deıin);
- «Kólik jáne qoımaǵa qoıý» (2011 jyly 6,6%-ten 2017 jyly 6,4%-ke deıin);
- «Kóterme jáne bólshek saýda, avtomobılder men mototsıklder jóndeý» (2011 jyly 14,9%-ten 2017 jyly 14,6%-ke deıin).
Al, myna salada jumyspen qamtylǵandardyń úles salmaǵynyń artady dep kútilýde:
- «Qarjy jáne saqtandyrý qyzmeti» (1,4%-ten 2%-ke deıin);
- «Aqparat jáne baılanys» (1,5%-ten 1,9%-ke deıin)
«Jalpy el ekonomıkasynyń damýyna baılanysty eńbek resýrstaryn paıdalanýdyń tıimdiligi artady, al óz ózin jumyspen qamtýshylar sany 2,4% tómendeıdi», - deıdi sarapshy mamandar.