2017 jylǵa qaraı №2 Indýstrııalyq parki ashylady - A.Saıabaev

ASTANA. QazAqparat - 2017 jylǵa qaraı Astanada №2 Indýstrııalyq parki ashylady. Bul týraly arnaıy baspasóz týrynyń barysynda «Astana - jańa qala» AEA ákimshelendirý basqarmasy» MM basshysynyń orynbasary Arhat Saıabaev habarlady.

«Búginde №1 Indýstrııalyq parkiniń aýmaǵy 90 paıyzǵa toltyrylǵan deýge bolady, ınvestorlar bizdiń qalamyzǵa úlken qyzyǵýshylyq tanytýda, sondyqtan №1 parkine jaqyn jerde qala ishindegi 433 gektar jerge Indýstrııalyq parkin qurý sheshimi qabyldandy. Biz 2017 jylǵa deıin bul aımaqtyń paıdalanýǵa beriletinin josparlap otyrmyz. №2 ındýstrııalyq parkiniń aýmaǵyna jańa tehnologııalar, jańa óndiristerdi, sonyń ishinde joǵary qosylǵan quny bar ónimderdi shyǵarýǵa kómektesetin joǵary tehnologııalardy tartý josparlanyp otyr. Budan basqa, bul park búginde №1 parkine jetispeıtin qajetti basymdyqtarǵa ıe bolady. Biz ınvestorlar tek jeke óndiristerdi qurýǵa emes, sondaı-aq ınfraqurylymdy salýǵa tartylatynyn qarastyryp otyrmyz», - dedi A.Saıabaev.

Ol qazirgi kezde jańa Indýstrııalyq saıabaǵynyń jospary daıyndalyp, odan keıin tehnıkalyq-ekonomıkalyq negizdeme daıyndalatynyn jáne jobalyq-smetalyq qujattama qurastyrylatynyn atap ótti.

«Ekinshi parktiń aýmaǵynda biz 3000-nan kem bolmaıtyn jumys oryndaryn qurýdy josparlap otyrmyz. Investorlardy tartý boıynsha jumysty qazirden bastap, 2017 jylǵa qaraı úlestiriletin bos jer ýchaskelerine ınvestorlardyń daıyn pýlymen kelýdi kózdep otyrmyz», - dep qosyp ótti A.Saıabaev.