2017 jylǵa deıin qazkontenttiń mazmunyn 60 paıyzǵa jetkizý kerek - Mádenıet jáne sport mınıstrligi

ASTANA. QazAqparat - Tilderdi qoldaný men damytýdyń memlekettik baǵdarlamasy boıynsha qazkontenttiń mazmunyn 60 paıyzǵa deıin jetkizý kerek, dep habarlady «BAQ jáne memlekettik til» konferentsııasynda QR Mádenıet jáne sport mınıstrliginiń Tildi damytý jáne qoǵamdyq-saıası ister boıynsha komıteti basshysynyń orynbasary Serik Sálimov.

«Memleket basshysynyń 2050 Strategııasynda atap ótkendeı, «qazaq tili - bul halyqtyń rýhanı negizi». Al bizdiń mindetimiz - ony saqtap, keıingi urpaqqa jetkizý. Ana tildi damytýdyń memlekettik baǵdarlamasy boıynsha 2017 jylǵa deıin qazkontenttiń mazmunyn 60 paıyzǵa deıin jetkizý kerek. Telearnalarda memlekettik tildegi habarlar paıyzyn arttyrý qajet», - dedi ol.

Konferentsııa barysynda baspasóz betterinde, sandyq jáne elektrondyq formatta qazaq tiliniń qoldanylýy men nasıhattalý deńgeıi keńinen taldanyp, aldaǵy ýaqytta bul jumysty jetildirýdiń ońtaıly joldary talqylandy. Konferentsııa «Degdar» qoǵamdyq kelisimdi qoldaý qory men QR Mádenıet jáne sport mınıstrliginiń Tilderdi damytý jáne qoǵamdyq-saıası ister jónindegi komıtetiniń birlesýimen uıymdastyryldy.