2017 jylǵa deıin elordada memlekettik kolledjder úshin jataqhanalar salynady
ASTANA. QazAqparat - Aldaǵy jyldary Astanada kolledjder úshin jataqhanalar salynady. Bul týraly búgin Astanada ótken «dóńgelek ústelde» elordalyq bilim basqarmasynyń basshysy Elmıra Sýhanberdıeva málim etti.
Belgili bolǵandaı, Astanadaǵy kolledjderde 16 jataqhana bar. Onyń ishinde 8-i memlekettik oqý oryndaryna, qalǵany jekemenshik kolledjderge tıesili. Bul 2013 jylǵa qaraǵanda eki jataqhanaǵa artyq. Atap aıtqanda, jataqhanaǵa zárý adamdardyń sany 2 myń 300-di qurap otyr.
Jataqhanalarda oryn tapshylyǵy kezeń-kezeńmen sheshilip jatqandyǵyna toqtalǵan basqarma basshysy, «2017 jylǵa deıin tórt kolledjdi salý kezinde memlekettik kolledjderde qosymsha 1200 oryndyq jataqhanalar paıdalanýǵa beriledi. 300 orynǵa arnalǵan jataqhananyń qurylysy máselesi qala ákimdigi men QR Bilim jáne ǵylym mınıstrligi arasyndaǵy memorandýmda qamtyldy», - dedi ol.
