2017 jylǵa deıin Almatyda taǵy da 4 metrostansa salynady - N. Sembıev
ALMATY. QazAqparat - 2017 jylǵa deıin Almatyda taǵy da 4 metrostansa salynady. Bul týraly búgin Almatyda jańadan salynyp jatqan «Saıran» jáne «Máskeý» metrostansalarynyń jumysymen tanystyrý barysynda jýrnalısterge bergen suhbatynda «Almatymetroqurylys» AQ bas dırektory Nurlan Sembıev málimdedi.
Onyń aıtýynsha, jańa stansalar «Máskeý» metrostansasynan batysqa qaraı Abaı dańǵylynyń boıymen salynady. «Birinshi stansa «Saryarqa» dep atalady. Keıin «Dostyq» stansasynyń qurylysy qolǵa alynady. Sodan ıAssaýı kóshesiniń tusynan «ıAssaýı» stansasy boı kóteredi. Ári qaraı soltústikke qaraı, Qalqaman kentiniń astynan «Qalqaman» stansasy qurylady. Sońǵy stansa Raıymbek dańǵyly men ıAssaýı kósheleriniń qıylysqan jerinde salynady. Bul jerde bolashaqta úlken avtobeket boı kóteredi», - dedi Nurlan Sembıev.
Sonymen qatar, «Almatymetroqurylys» AQ bas dırektory qazir salynyp jatqan metrostansalardyń burynǵy stansalarǵa qaraǵandy anaurlym arzanǵa túsip jatqandyǵyn jetkizdi.
«Bul stansalar burynǵy stansalarǵa qaraǵanda edáýir arzan. Óıtkeni arzan materıaldar qoldanylyp jatyr. Biraq, ol - sapasy nashar degen sóz emes. Sapasy óte joǵary. Mysaly, qudaı basqa salmasyn, biraq eger alda-jalda kúshti jer silkinisi bola qalsa, eń qaýipsiz oryn osy metro bolady. Óıtkeni, metroqurylysynda qaýipsizdikke asa kóp kóńil bólinedi. Munda 16 túrli qaýipsizdik júıesi qoldanylady», - dedi N. Sembıev.
Aıta ketelik, qazirgi tańda qurylysy salynyp bitýge taqaǵan «Saıran» jáne Máskeý metrostansalarynyń barlyq jumysyna tek qazaqstandyq mamandar tartylǵan. Stansalar qos qabattan turady. Birinshisi platformalyq qabat jáne ekinshi qabaty - foıe. ıAǵnı, mamandardyń pikirinshe, bul jolaýshylar úshin asa yńǵaıly stansalar.
Taǵy bir aıta ketetin jáıt, metro jelisi Qalqaman kenti arqyly Raıymbek dańǵylyna deıin tartylǵan soń, qala ortalyǵynan Almaty-1 temirjol stansasyna qaraı jańa jeli tartylady.
Qazirgi tańda Almaty meropolıteninde 995 adam jumys isteýde. «Saıran» men «Máskeý» stansalary iske qosylǵan soń, taǵy da 300 adamǵa jumys orny ashylady.
