2017 jyldyń «Úzdik fýtbolshysy» anyqtaldy
ASTANA. QazAqparat - Ispanııanyń «Real Madrıd» fýtbol klýbynyń portýgalııalyq shabýylshysy Krıshtıaný Ronaldý «Altyn doptyń» bes dúrkin ıegeri atandy , dep habarlaıdy «QazAqparat» HAA tilshisi eurosport.com-ǵa silteme jasap.
Marapattaý rásimi Frantsııa astanasy Parıj qalasynyń áıgili Eıfel munarasynda saltanatty túrde ótkizildi.
Talantty fýtbolshy 2017 jyly komanda sapynda da, jeke kórsetkishter boıynsha da kóptegen iri jeńisterge jetti. Atap aıtsaq, Portýgalııa ulttyq quramasynyń 2018 jylǵy Álem chempıonatyna joldama alýyna, «Realdyń» bes jyldyq úzilisten soń Ispanııa chempıonatyn, ÝEFA Chempıondar lıgasynyń bas júldesin tarıhta alǵash ret qatarynan eki ret, jalpy 12-shi ret jeńip alýyna kómektesti. Budan tys, 2017 jyly Chempıondar lıgasynda eń kóp gol soqqan fýtbolshy, týrnır tarıhynda toptyq kezeńniń barlyq matchynda gol soqqan alǵashqy oıynshy atandy.
Aıta ketelik, «Altyn dopty» France Football jýrnaly jyldyń úzdik fýtbolshysy dep tanylǵan oıynshyǵa beredi. Portýgalııalyq forvard erekshe syılyq ıegerleriniń arasynda osy kezge deıin úzdik bolyp kelgen Argentına shabýylshysy Lıonel Messımen teńesti.
