2017 jyldyń sońyna deıin elimizdegi áýejaılar tolyǵymen qaıta jańǵyrtýdan ótedi
ASTANA. QazAqparat - 2017 jyldyń sońyna deıin elimizdegi áýejaılar tolyǵymen qaıta jańǵyrtýdan ótedi. Bul týraly búgin Májilistiń Ekonomıkalyq reforma jáne óńirlik damý komıtetiniń otyrysynda málim boldy.
Eske salaıyq, otyrysta halyqty sapaly avıatasymal qyzmetimen qamtamasyz etý máseleleri qaralǵan bolatyn.
Kólik jáne kommýnıkatsııa mınıstrliginiń usynǵan málimetterine qaraǵanda, elimizde qyzmet kórsetetin 18 respýblıkalyq jáne oblystyq mańyzy bar 13 áýejaıdyń ushý-qoný alańdary jańǵyrtylǵan. Buǵan qosa, bıylǵy jyly jańǵyrtý jumystaryn Oral jáne Petropavl áýejaılarynda júrgizý josparlanýda.
«Al 2017 jyldyń aıaǵyna deıin respýblıkamyzda qalǵan 3 áýejaı, ıaǵnı Semeı, Qostanaı jáne Óskemen qalalaryndaǵy áýejaılar jańǵyrtylady. Qazirgi ýaqytta 9 áýejaı termınaly jańartylǵan, qalǵan áýejaılarda mundaı jumysty memlekettik-jekemenshik áriptestik tetigin qoldaný arqyly iske asyrý josparlanýda. Munyń syrtynda, respýblıka áýejaılaryndaǵy qyzmet kórsetý sapasyn arttyrý úshin halyqaralyq talaptarǵa sáıkes keletin áýejaılardaǵy Jolaýshylarǵa qyzmet kórsetý erejeleri bekitiledi», - delingen mınıstrlik usynǵan málimetterde.
