2017 jyldyń qańtarynda 1,5 myńǵa jýyq adam jol apatynan zardap shekti

ASTANA. QazAqparat - Qańtar aıynda elimizde 1 046 jol-kólik oqıǵasy tirkelip, onda 1 480 adam zardap shekti, onyń ishinde 81 adam qaza tapty. Bul týraly QR Bas prokýratýrasy Quqyqtyq statıstıka jáne arnaıy esepke alý jónindegi komıtetetiniń málimetinde aıtylǵan dep habarlaıdy QazAqparat.

Qańtar aıynda Qazaqstan Respýblıkasynyń Ákimshilik quqyq buzýshylyq týraly kodeksiniń 610-baby boıynsha 1 548 adam jaýapkershilikke tartylyp, onyń 1416-syna 31,6 mln. teńge mólsherinde aıyppul salynǵan. Sonymen qatar 129 adam kólik quraldaryn júrgizý týraly arnaıy quqyǵynan aıyryldy, 3 adamǵa ákimshilik qamaý sharasy qoldanyldy.

QR QK 345-baby boıynsha, (Kólik quraldaryn basqaratyn adamdardyń jol júrisi nemese kólik quraldaryn paıdalaný qaǵıdalaryn buzýy) qańtar aıynda 471 qylmystyq quqyq buzýshylyq tirkelip, onyń 45-ine qatysty is sotqa jiberildi.

Ótken aıda eń kóp JKO Almatyda tirkelip, qalada 328 kólik apaty oryn aldy. Al ólim-jitim boıynsha Almaty oblysy aldyńǵy orynda tur, onda 21 adam jol apatynan qaza boldy.