2017 jyldyń І toqsanynda qazaqstandyq avtoónerkásip kásiporyndary 3,4 myńnan asa avtokólik shyǵardy
ASTANA. QazAqparat - Eki jyldyq satylym men óndiristiń quldyraýyna qaramastan, 2017 jylǵy І toqsannyń qorytyndysy jaqsy jańalyqtarǵa toly. Elimizde avtomobılderdi shyǵarý kórsetkishi qatarynan úshinshi aı boıy ósýde. Óz kezeginde satylymdar eki toqsan boıy ósim kórsetýde.
Eger bir jyl buryn satyp alýshylardyń 19 % qazavtopromnyń usynystaryn tańdaǵan bolsa, búgin elde satyp alynatyn ár úshinshi avtomobıl qazaqstandyq dep batyl aıtýǵa bolady. Sonymen qatar, jyldyń basynan beri «AZIıAAVTO» zaýytynyń arqasynda óndiristiń 7 % Qytaıǵa eksport retinde ótkizildi. 2016 jyly Qyrǵyzstan men Túrkmenstan naryǵyna shyqqan «Qazaqstanda jasalǵan» jol talǵamaıtyn avtokólikter talǵamy joǵary kórshilerdi, ıaǵnı Qytaı azamattaryn tánti etken bolatyn. Sebebi avtokólikter sapaly, jol talǵamaıdy ári arzan. Zaýyt mehanıkteriniń sózine súıinsek, qytaılyq tutynýshylardyń yqylasyna bólengen «Nıva» kóliginiń anaǵurlym yńǵaıly ekenin aıtady.
Respýblıka aýmaǵynda eseptik kezeńniń qorytyndysy boıynsha 16,4 mlrd.teńge somaǵa avtokólik quraldardyń 3 405 birligi shyǵaryldy. Olardyń qatarynda jeńil, júk kóligi, avtobýs jáne arnaıy tehnıka bar. Osylaısha, otandyq avtoóndirýshilerdiń shyǵarylym kólemi ótken jylǵy kórsetkishti 4 esege (839 birlik) arttyrdy.
Bıyl jeńil avtomobılderdi shyǵarý kólemi 3095 birlik kórsetkishine jetip, 7 eseden asty. Byltyr bul san 428 birlikti quraǵan bolatyn. Esesine 2017 jylǵy qańtar-naýryz qorytyndysy boıynsha júk avtomobılderin shyǵarý (169 birlik) ótken jylǵy 31,6 % kórsetkishinen kemidi. Al avtobýs tehnıkasyn óndirý kólemi - 27 birlik, sol deńgeıde saqtaldy.
2017 jylǵy І toqsannyń qorytyndysy boıynsha qazaqstandyq qurastyrýǵa úlken talap qoıylǵan jeńil avto brendiniń reıtıngin LADA markasy bastap keledi. Ol barlyq satylymnyń 50 paıyzyn qurap otyr, sanmen órnektesek, 1303 birlik. Sondaı-aq, ozyq markanyń bestigin KIA (379 birlik), Hyundai (233 birlik), Chevrolet (189 birlik) jáne JAC (148 birlik) qurady. Otandyq kásiporyndar usynǵan brendter tizimin Skoda (43 birlik), Ssang Yong (37 birlik), Peugeot (16 birlik), Geely (13 birlik) jáne Toyota (3 birlik) markalarynyń avtomobılderi tolyqtyrdy.
Jergilikti óndiristiń jeńil modelderdi satýdyń birinshi úshtigin LADA avtomobılderi qurady: Lada 4x4 (599 birlik), Lada Granta (332 birlik), Lada Largus (159 birlik). Tórtinshi joldy Lada Kalina jáne Hyundai Tucson bólisýde (111 birlik nátıjesimen). Asa tanymal modelderdiń TOR-10 JAC S3 (106 birlik), Chevrolet Cruze (98 birlik), Hyundai Elantra (89 birlik), KIA Sorento (80 birlik), KIA Optima (70 birlik) jáne LADA Xray (56 birlik).
2017 jylǵy І toqsannyń qorytyndysy boıynsha jeńildik avtonesıeler memlekettik baǵdarlamanyń aıasynda 257 avtomashına, nemese jergilikti qurastyrýdaǵy satylǵan jeńil avtomobılderdiń jalpy sanynan 8,3 % satyldy.
Esterińizge sala keteıik, Qazaqstan damý banki 2017 jyldyń 12-shi qańtaryna deıin, 4%-dyq mólsherlememen avtokredıt alý úshin kelgen 8519 ótinishti qarjylandyrǵan bolatyn. Osy rette azamattarǵa bólingen qarjy 31 mlrd teńgeden asty. Qazaqstan avtobıznes Assotsııatsııasynyń málimetinshe, 2016 jyly resmı dılerler 46 712 jańa avtokólikterdi satypty. Bul 2015 jylǵa qaraǵanda eki ese az (2015 jyly 97 469 avtokólik satyldy). Qazaqstanda jasalǵan avtokólikterdiń satylymdaǵy úlesi jyl sońynda 26%-dy qurady (2015 jyly - 17%).
