2017 jyldyń eń iri fýtbol básekeleri

Ulttyq quramaǵa jankúıer bolyp, Eýropa lıgasynda «Astana» fýtbol klýby úshin taqym qysty. Odan bólek, Frantsııada ótken «Kártamys qurlyq» dodasyn tamashalady. Al bıyl jankúıerlerdi qandaı qyzyqtar kútip tur?

2017 jyldyń eń iri básekeleri kelesideı:  

Іshki chempıonat

 

Qazaqstan Sýperkýbogy (naýryz aıynyń birinshi jartysy)

Sýperkýbok oıyny arqyly elimizde fýtbol maýsymy resmı túrde ashylady. Sondyqtan, bul match óte mańyzdy, ári qyzyqty bolatyny sózsiz. El chempıony «Astana» men kýbok ıegeri «Qaırat» kezdesedi. Oıyn ońtústik astanamyzdyń Ortalyq stadıonynda ótpek.

Qazaqstan Premer-lıgasy (naýryz - qarasha)

Bıyl Qazaqstan Premer-lıgasynda - 12 komanda. Ádettegideı «Astana» men «Qaırattyń» teketiresin tamashalaıtyn bolamyz. Úsh jyl qatarynan el chempıony atanyp kele jatqan elordalyqtardy Almatynyń komandasy toqtata ala ma? Mine, el chempıonatyn tym bolmasa, osy úshin ǵana tamashalaýǵa bolady. Sondaı-aq, Premer-lıganyń debıýtanty «Altaıdyń» da maýsymdy qalaı ótkizetindigi kópshilik jankúıerlerdi qyzyqtyratyny anyq.

Qazaqstan kýbogynyń fınaly (qyrkúıek nemese qarasha)

«Qazaqstan kýbogynyń fınalyn qaı aıda ótkizgen durys?» degen suraqqa el fýtbolynyń basshylary áli de naqty jaýap taba almaı keledi. Degenmen, qaı aıda ótse de el kýbogynyń fınaly jankúıerler úshin árqashan da qyzyq bolatyny sózsiz. Mysalǵa, qyrkúıek aıynda óter bolsa, fınalda shyn myqtyny kórýimiz ǵajap emes. Al qarashaǵa qaldyrylsa, «qardaǵy fýtbol» da aıtyp júrerlik áńgime bolatyny daýsyz.

Klýbtyq týrnır

 

Chempıondar lıgasy

Dástúr boıynsha bıyl da Chempıondar lıgasynyń irikteý týrnıri maýsym aıynyń sońynda bastalýy tıis. Qazaqstan atynan el chempıony «Astana» qatysady. Degenmen, reıtıngimizge baılanysty birden ekinshi irikteý kezeńinen bastaımyz. 2015 jyly elordalyqtar týrnırdiń toptyq kezeńine shyqqan. Bıyl da sol erlikti qaıtalaǵysy keledi. Sondyqtan, «Astananyń» oıyndaryn birge tamashalap, jankúıer bolaıyq. Eger irikteý dodasyn ótip jatsaq, qyrkúıek aıy men jeltoqsan aralyǵynda toptyq týrnırde «Real», «Barselona», «Chelsı», «Bavarııa» syndy komandalarǵa qarsy oınaımyz.

Eýropa lıgasy

Munda el namysyn Almatynyń «Qaıraty», Pavlodardyń «Ertisi» jáne Shymkenttiń «Ordabasy» komandasy qorǵaıdy. Birneshe jyl qatarynan Eýropa lıgasynyń irikteý kezeńinen óte almaı kele jatqan «Qaırat» bıyl qalaı da toptyq týrnırge joldama alýdy kózdeıdi. Sondyqtan, olardyń bul dodadaǵy árbir oıyny óte mańyzdy. Eýropa lıgasynyń irikteý kezeńi maýsym aıynyń sońynda bastalyp, tamyzdyń ekinshi jartysynda máresine jetedi. Al toptyq týrnır qyrkúıek pen jeltoqsan aralyǵynda ótedi.

Ulttyq qurama
 

2018 jylǵy Álem chempıonatynyń irikteý dodasy

Armenııa - Qazaqstan (26 naýryz), Qazaqstan - Danııa (10 maýsym), Qazaqstan - Qarataý (1 qyrkúıek), Polsha - Qazaqstan (4 qyrkúıek), Rýmynııa - Qazaqstan (5 qazan), Qazaqstan - Armenııa (8 qazan). Ulttyq quramamyzdyń 2017 jyldaǵy eń basty oıyndary. Bas komandamyzdy alty oıyn kútip tur. Onyń úsheýi túzde, úsheýi óz jerimizde ótedi. Ázirge matchtardy qaı qalamyzdyń qabyldaıtyny anyqtalǵan joq. Degenmen, qaıda ótse de bul kezdesýlerdi asyǵa kútetinimiz anyq.

Fýtzal
 

Tórteý fınaly (sáýir-maýsym)

Sáýir aıynyń sońynda ońtústik astanamyzdyń «Almaty-Arena» sport kesheni fýtzaldan ÝEFA kýbogy aıasyndaǵy «Tórteýdiń fınalyn» qabyldaıdy. Almatyǵa Ispanııanyń «Interi», Portýgalııanyń «Sportıngi» jáne ÝEFA kýbogynyń sońǵy jeńimpazy Reseıdiń «Gazprom-ıÝgrasy» keledi.

Álem fýtboly

 

Jastar arasyndaǵy álem chempıonaty (20 mamyr - 11 maýsym)

Ońtústik Koreıanyń alty qalasynda ótetin jastar arasyndaǵy álem chempıonatyna 24 komanda qatyspaq. Ázirge 13 komanda belgili. Onyń beseýi Eýropadan. Afrıka, Ońtústik jáne Soltústik Amerıka qurlyqtarynyń namysyn qorǵaıtyn komandalar endi anyqtalady.

Eýropa lıgasynyń fınaly (24 mamyr)

Bul týrnırdiń fınaly bıyl 24 mamyrda Shvetsııa astanasy Stokgolmniń mańyndaǵy shaǵyn ǵana qalashyq Solnada ótedi. Qala kishkentaı bolǵanymen stadıony úlken. «Dostar-Arena» dep atalatyn bul stadıon 50 myń kórermendi syıǵyza alady. Ázirge bizdi Eýropa lıgasynyń 1/16-fınaly kútedi. Basty favorıtter retinde «Manchester ıÝnaıted», «Zenıt», «Lıon», «Roma», «Fıorentına», «Shalke» syndy komandalar atalýda.

Chempıondar lıgasynyń fınaly (3 maýsym)

Chempıondar lıgasynyń 1/8-fınaly aqpannyń 14-i kúni bastalady. Qazir bul týrnırde 16 komanda qaldy. Al fınal 3 maýsymǵa josparlanǵan. Ýels astanasy Kardıfftiń «Mıllenıým» stadıonynda ótedi.

Jastar arasyndaǵy Eýropa chempıonaty (16-30 maýsym)

 Eýropa chempıonatynyń fınaldyq kezeńi bıyl Polshanyń tórt qalasynda ótedi. Fınaldyq dodada barlyǵy 12 komanda.

Konfederatsııa kýbogy (17 maýsym - 2 shilde)

 Konfederatsııa kýbogyn stadıonnan tamashalaǵyńyz kelse, Reseı tıip tur. Oıyndar Máskeý, Sankt-Peterbýrg, Sochı jáne Qazan qalalarynda ótedi. Alty qurlyqtyń úzdikteri (Portýgalııa, Chılı, Meksıka, Aýstralııa, Jańa Zelandııa) jáne álem chempıony Germanııa men doda qojaıyny Reseı qatysatyn bul týrnır 2018 jylǵy álem chempıonatynyń qarsańyndaǵy úlken mereke bolmaq.

ÝEFA Sýperkýbogy (8 tamyz)

Chempıondar lıgasynyń jeńimpazy men Eýropa lıgasynyń úzdigi teketireske túsetin ÝEFA Sýperkýbogy bıyl tamyzdyń 8-i kúni Makedonııa astanasy Skopede sıymdylyǵy 36 myń kórermendi quraıtyn ІІ Fılıpp atyndaǵy stadıonda ótedi.

Klýbtar arasyndaǵy álem chempıonaty (jeltoqsan)

Al jyl ádettegideı klýbtar arasyndaǵy álem chempıonatymen qorytyndylanady. Týrnır bas demeýshisi «Toıota» korporatsııasynyń eli Japonııada ótedi.

Derekkóz: Astana fýtbol federatsııasy