2017 jyldyń basynda Parlament depýtattary Astanadan ketedi
Onyń sózine qaraǵanda, kele jatqan jańa jyl depýtattar úshin saılaýshylarmen kezdesýden bastalady. Ol úshin bıýronyń sheshimi de qabyldandy.
«2017 jyldyń 4-13 qańtarynda saılaýshylarmen kezdesýler úshin bizde óńirlerge saparlar josparda bar. Osy rette tıisti keste pysyqtalyp, bekitildi. Bul óte mańyzdy saıası shara bolyp tabylady, ıaǵnı onyń barysynda elimiz Táýelsizdiginiń 25 jyldyǵyna arnalǵan saltanatty jınalysta Memleket basshysy sóziniń negizgi mazmunyn halyqqa túsindirýimiz kerek. Onda Prezıdent óte úlken strategııalyq maqsattardy alǵa qoıǵan edi», - dedi Májilis tóraǵasy.
Onyń sózine qaraǵanda, qazirgi shaqyrylymdaǵy Májilistiń jumysy bastalǵaly 81 zań jobasy óndiriske qabyldandy. Onyń ishinde maquldanyp, Senatqa jiberligenderi 51-ge jetti. Sonymen birge 9 zań jobasyn depýttardyń ózderi ázirledi. Búginde Parlament qabyldanǵan zańdardyń 32-sine Memleket basshysy qol qoıyp, olar zańdy kúshine endi.
«Parlamenttiń barsha zań shyǵarýshylyq jumysy jańa formatta júrgizilýde. Májiliste zań jobalaryn qarastyrý BAQ-tyń, úkimettik emes uıymdardyń, qoǵamdyq-saıası birlestikterdiń, Parlamentke enbeı qalǵan partııalardyń qatysýymen ótýde», - dep toqtaldy Nyǵmatýlın.
Osy rette ol kásibı ári úılesimdi jumystary úshin palata depýtattaryna alǵysyn aıtty.
Májilis tóraǵasy sóz sońynda jumys júktemesiniń artýyna qaramastan, depýtattar jumysynyń qarqyny jaqsy ekenin qadap aıtty.
