2017 jyldyń 6 aıynda bıýdjettiń barlyq deńgeılerinde kiristerdiń ósýi tirkeldi
Bul týraly búgin Úkimet otyrysynda QR Qarjy vıtse-mınıstri Berik Sholpanqulov málim etti, dep habarlaıdy QazAqparat.
«Esepti kezeńde bıýdjettiń barlyq deńgeılerinde kiristerdiń ósý qarqyny tirkeldi. Memlekettik bıýdjet 11, respýblıkalyq bıýdjet 8, jergilikti bıýdjet 17 protsentke artty. Shyǵystar ótken jyldyń sáıkes kezeńimen salystyrǵanda 0,5 trln teńgege ósti. Bul kórsetkish 2010 jylǵy bıýdjettiń kóleminen 200 mlrd teńgege artyq», - dedi ol.
B.Sholpanqulovtyń aıtýynsha, respýblıkanyń qor naryǵyn qoldaý maqsatynda bıýdjet tapshylyǵyn qarjylandyrýǵa ishki resýrstar tartylǵan. Bank sektoryn saýyqtandyrý sharalary júrgizildi.
«Negizgi makrokórsetkishterdiń turaqsyzdyǵy jaǵdaıynda qarjy jylynyń sońyna deıin mınıstrliktiń basty mindeti bıýdjet shyǵyndaryn ýaqtyly qarjylandyrý bolyp tabylady. Bul úshin biz salyqtyq túsimderdiń dınamıkasyn kún saıyn qadaǵalaıtyn bolamyz. Ákimshilermen birlesip bıýdjet qarajatynyń ıgerilýine onlaın monıtorıngti jalǵastyramyz. Qurylys salasyndaǵy kelisimsharttardy qazynashylyq súıemeldeý jáne kiristerdi kóbeıtý úshin memlekettik qarjyny jańǵyrtý jobalarymen jumys jalǵasady. Aǵymdaǵy jyldyń 1 qyrkúıegine deıin Parlamentke kvazımemlekettik sektor sýbektilerdi satyp alýlardy retteý máselesi boıynsha zań jobasyn engizemiz», - dedi vıtse-mınıstr.