2017 jyldan bastap Qazaqstan tolyǵymen eýrostandart benzınimen qamtamasyz etiledi

ASTANA. QazAqparat - 2017 jyldan bastap Qazaqstan tolyǵymen eýrostandart benzınimen qamtamasyz etiledi. Búgin QR Prezıdenti janyndaǵy Ortalyq kommýnıkatsııalar qyzmetinde ótken brıfıngte Munaı jáne gaz mınıstri Uzaqbaı Qarabalın osylaı málimdedi.

Mınıstrdiń sózine qaraǵanda, aǵymdaǵy jyldyń alty aıynda 7,2 mln. tonna munaı ónimderi óńdeldi. Bul ótken jylǵy osy kezeńmen salystyrǵanda 100,5 paıyzdy quraıdy.

«Qazirgi tańda qazaqstandyq úsh munaı óńdeý zaýyttaryn jańǵyrtý jumystary júrgizilýde. Bul jumystar 2016 jyly aıaqtalady dep kútilip otyr. Nátıjesinde 2017-2022 jyldary Qazaqstan tolyǵymen Eýro-4, Eýro-5 standarttaryndaǵy benzınmen, dızeldik otynmen, avıakerosınmen qamtamasyz etiletin bolady», - dedi mınıstr U. Qarabalın.