2017 jyldan bastap áleýmettik tólemderdiń mólsheri artady - QR Úkimeti
ASTANA. QazAqparat - QR Úkimeti Memlekettik áleýmettik saqtandyrý qorynan tólenetin áleýmettik tólemderdiń mólsherin 2017 jylǵy 1 qańtardan bastap arttyrý týraly qaýly qabyldady. «QazAqparat» HAA oqyrman nazaryna qujat mátinin usynady.
Qazaqstan Respýblıkasy Úkimetiniń qaýlysy №752
Memlekettik áleýmettik saqtandyrý qorynan tólenetin áleýmettik tólemderdiń mólsherin 2017 jylǵy 1 qańtardan bastap arttyrý týraly
«Mindetti áleýmettik saqtandyrý týraly» 2003 jylǵy 25 sáýirdegi Qazaqstan Respýblıkasy Zańynyń 8-1-babynyń 4) tarmaqshasyna sáıkes Qazaqstan Respýblıkasynyń Úkimeti qaýly etedi:
1. 2017 jylǵy 1 qańtarǵa deıin Memlekettik áleýmettik saqtandyrý qorynan eńbek etý qabiletinen aıyrylý jáne asyraýshysynan aıyrylý jaǵdaılaryna taǵaıyndalǵan áleýmettik tólemderdiń mólsherin 2017 jylǵy 1 qańtardan bastap alatyn áleýmettik tólemderdiń mólsherinen jeti paıyzǵa arttyrý júrgizilsin.
2. Osy qaýly 2017 jylǵy 1 qańtardan bastap qoldanysqa engiziledi jáne resmı jarııalanýǵa tıis.
Qazaqstan Respýblıkasynyń Premer-Mınıstri B.SAǴYNTAEV
