2017/2018 jylǵy maýsymnyń ÝEFA reıtıngi jarııalandy: Qazaqstan neshinshi orynda
ASTANA. QazAqparat - ÝEFA-nyń resmı saıtynda 2017/2018 jylǵy maýsymnyń qorytyndysy boıynsha klýbtyq týrnırlerdiń reıtıngi jarııalandy, dep habarlaıdy QazAqparat.
QR fýtbol federatsııasynan málim etkendeı, Qazaqstan Norvegııa, Slovakııa jáne Vengrııa elderiniń qaýymdastyqtaryn basyp ozyp, 28-oryndy ıelendi.
Bizdiń klýbtardyń jalpy jınaǵan upaıy - 18.125.
2016/2017 jylǵy maýsymnyń qorytyndysy boıynsha Qazaqstan 15.250 upaımen 29-orynǵa ornalasqan edi.
«Astana» fýtbol klýby Eýropa Lıgasynyń toptyq kezeńinde 21.750 upaı jınap, ÝEFA-nyń klýbtyq reıtınginde 67-orynǵa jaıǵasty. 2016/2017 jyldyń qorytyndysy boıynsha elordalyq klýb 51 satyǵa tómen bolǵan edi - 118-oryn (13.750 upaı).
Aıta keteıik, koeffıtsıent eldiń barlyq klýbtarynyń Chempıondar Lıgasy men Eýropa Lıgasynyń sońǵy bes maýsymdaǵy nátıjeleriniń negizinde quralady.
