2016 jyly ziltemirshiler Rıo Olımpıadasynan keminde 3 altyn alýy tıis - E. Qanaǵatov

ASTANA. QazAqparat - Qazaqstanyń aýyr atletıkadan ulttyq quramasy 2016 jyly Rıo-de-Janeıro qalasynda ótetin Olımpıada oıyndarynda kem degende úsh altyn alýy tıis.

Bul týraly búgin Ortalyq kommýnıkatsııalar qyzmetinde ótken brıfıngte QR MSM Sport jáne dene shynyqtyrý komıtetiniń tóraǵasy Elsııar Qanaǵatov málim etti.

"London Olımpıadasynan keıin aýyr atletterimizge degen josparymyz kúsheıdi. Sportshylar men jattyqtyrýshylar medal alý ońaı sharýa emes ekenin biledi, biraq basty mindet sol bolýy kerek. Jas, bolashaǵy zor sportshylar shyǵyp jatyr. Jalpy, aýyr atletıkadan Qazaqstan quramasynyń Rıodaǵy jetistigi - kem degende úsh altyn medal bolýy kerek", - dep atap ótti E.Qanaǵatov.

Onyń aıtýynsha, bul josparlar áli jiti talqylanatyn bolady, jattyqyrýshylar tobynyń oılary saraptalyp, naqty boljam jasalady.