2016 jyly jumys kúshi jetispeıtin aımaqtarǵa 1259 oralmandar otbasyn kóshirý josparlanyp otyr - QR DSÁDM

ASTANA. QazAqparat - 2016 jyly Úkimettiń aǵymdaǵy jylǵy 18 aqpandaǵy «Oralmandar men qonys aýdarýshylardy qabyldaýdyń 2016 jylǵa arnalǵan óńirlik kvotasyn bekitý týraly» Qaýlysyn iske asyrý sheńberinde 1259 oralmandar otbasyn jumys kúshi mol aımaqtardan jumys kúshi jetispeıtin aımaqtarǵa kóshirý josparlanyp otyr. Bul týraly QR DSÁDM baspasóz qyzmetinen habarlady.

Tarıhı otanyna oralǵan etnıkalyq qazaqtardy ornalastyrý aımaqtyq kvotalary kelesi kezekte bólingen: Pavlodar oblysynda - 690 otbasy, Shyǵys Qazaqstan oblysynda - 260 otbasy, Aqmola oblysynda - 123 otbasy, Soltústik Qazaqstan oblysynda - 108 otbasy, Batys Qazaqstan oblysynda - 29 otbasy, Atyraý oblysynda - 28, Qostanaı oblysynda - 21 otbasy.

Joǵaryda atalǵan Qaýlyda jumys kúshine suranys mol aımaqtarǵa qonys aýdarǵysy keletin QR azamattaryn kóshirý de qarastyrylǵan. Bul baǵytqa 463 qonys aýdarýshy otbasyn qabyldaý kvotalary bólingen: Pavlodar oblysynda - 300 otbasy, Soltústik Qazaqstan oblysynda - 101 otbasy, Shyǵys Qazaqstan oblysynda - 40 otbasy, Qostanaı oblysynda - 22 otbasy.

Aımaqtyq kvotalar tizimine kiretin oralmandar men qonys aýdarýshylarǵa, sondaı-aq olardyń otbasylaryna kóshý kezinde kómek kórsetilip, jumysqa ornalasý, onyń ishinde «Jumyspen qamtý 2020 jol kartasy» baǵdarlamasynyń aıasynda memlekettik qoldaý kórsetiletin bolady.

Aımaqtyq kvotaǵa ótinim berý kezinde oralman kýáligi bar tarıhı otanyna kelgen etnıkalyq qazaqtar qatysa alady. Oralman mártebesin alý jáne kvota tizimine engizý máseleleri boıynsha turǵylyqty meken-jaıyna qaraı oblystyq, Astana, Almaty qalalary jumyspen qamtýdy úılestirý, áleýmettik baǵdarlamalar bólimderine ótinim bildirýge bolady.

Aǵymdaǵy jylǵy mamyr aıynan bastap QR DSÁDM qoldaýymen oralmandar men qonys aýdarýshylarǵa qajetti tolyq aqparatty qamtıtyn «Uly kósh» aqparattyq portaly óz jumysyn bastaıdy.

Esterińizge sala keteıik, 1991-2015 jyldar aralyǵynda 261 myń 104 otbasy nemese 957 myń 772 etnıkalyq qazaqtar tarıhı otanyna oralyp, oralman mártebesine ıe boldy. Bul jalpy halyq sanynyń 5,5%-yn quraıdy.