2016 jyly janýarlarǵa arnalǵan álemdegi alǵashqy áýe termınaly ashylady
ASTANA. QazAqparat - Nıý-Iorkte janýarlarǵa arnalǵan álemdegi tuńǵysh avıatermınal salynady, dep habarlaıdy sheteldik BAQ.
«Úmit kemesi» dep atalatyn termınal Djon F.Kennedı áýejaıynda salynbaq. Ol iri jáne usaq janýarlardy ushaq bortyna qabyldaýdy, olardy tasymaldaýdy jáne saqtaýdy baqylaý aımaǵy retinde paıdalanylmaq. Bul jerde birinshi kezekte, aýyl sharýashylyǵy janýarlaryn tasymaldaý máselesi qarastyrylyp otyr, degenmen áýe termınaly barlyq tórt aıaqty jan-janýarlardyń ushaqpen saıahattaýy úshin qolaıly orynyna aınalady, dep kútilýde. Termınalda sondaı-aq janýarlardy ushaqqa deıin qolaıly klımattyq jaǵdaılarda jetkizý, olardy veterınalardyń tekserýi, ushý aldynda janýardy babyna keltirý tárizdi qyzmet túrleri qosymsha aqy tólengen jaǵdaıda usynylatyn bolady. Jobamen jumysqa sáýletshiler ǵana emes, veterınarlar men janýarlardy qorǵaýshylar, bıologtar jumyldyrylýda. Áýe termınaly 2016 jyly ashylady.
