2016 jyly «Tıtanıktiń» kóshirmesi saparǵa attanady
ASTANA. 29 qyrkúıek. QazAqparat - Dáýleti 5,3 mıllıard dollardy quraıtyn Avstralııanyń eń baı adamdarynyń biri - kómir magnaty Klaıv Palmer aty ańyzǵa aınalǵan «Tıtanıkti» qaıta qurastyratynyn málimdedi.
Bul týraly Eýrazııa birinshi arnasy jazady.
«Rosbalt» habarlaǵandaı, qasiret ákelgen kemeniń dál kóshirmesi 2016 jyly saparǵa attanady dep josparlanyp otyr. Syrtqy túri men ıntereri túpnusqaǵa uqsaıtyn bolady. Alaıda «Tıtanık-2» kemesin qaıǵyly oqıǵa qaıtalanbas úshin jolaýshylarǵa arnalǵan shaǵyn kemeler ornalasatyn «qaýipsizdik palýbasymen» jabdyqtaıdy.
Ekinshi «Tıtanıkti» jasaý Palmerdiń alǵashqy erekshe oıy emes. Bıyl jazda ol Stıven Spılbergtiń qııalyn iske asyrmaq bolyp, ıÝra kezeńiniń baǵyn salýdy qolǵa aldy. Avstralııalyq mıllıarder 1996 jyly Dollı qozysyn klondaǵan ǵalymdarǵa óz oıyn aıtty. Olar ejelgi kesirtkelerdiń DNK-synyń kómegimen dınozavrlardy qaıta tiriltýleri tıis.
